تمبو ‘خولم نا تیار انگا فصل اٹ اناگت خاخر لگنگ آن 32ایکڑ خولم ہشنگار

0

Get real time updates directly on you device, subscribe now.

تمبو (آن لائن) تحصیل تمبو نا علاقہ ٹی خولم نا تیار انگا فصل اٹ اناگت خاخر لگنگ آن 32ایکڑ آ خولم ہشنگار‘ فائر بریگیڈ مفننگ ناسوب آن خولم تے بچفنگ مفک۔ حوال نارد اٹ نصیرآباد نا تحصیل تمبو نا پولیس تھانہ خان کوٹ نا دنگ اٹ زمیندار اللہ ڈٹہ مری نا ڈغار اٹ دسوک خولم اٹ اناگت خاخر لگا ہرانا سوب آن 32ایکڑ آ تیار انگا لکھ آ روپئی تا خولم ہشنگار ہس مس‘ ڈہ رسینگ آ انتظامیہ تو سر مس ولے خڑک اناعلاقہ ٹی فائربریگیڈ مفننگ نا سوب آن خولم نافصل ءِ بچفنگ متو‘ زمیندار اللہ ڈتہ مری دا بابت پارے کہ خولم اٹ اناگت خاخر لگا ہرادے ننا بزرگ و علاقہ ناباتیک تینٹ کسفنگ نا کوشست کریر ولے خاخر مچ آ فصل ءِ ہشسا ہس کرے۔ او پارے کہ نن و ننا بزرگ آک خولم نا بج‘ کھد‘ زار وام ہلکوسن ولے نن فصل نا ہشنگ آن داسہ نن با انا باخو نا آہری مرینہ۔ او پارے کہ صوبائی حکومت وضلعی انتظامیہ نن تون کمک کے۔

Get real time updates directly on you device, subscribe now.

Leave A Reply

Your email address will not be published.