حکومت الس ءِ داسکان ہچ ریلیف تتنے‘مولاناعبدالحق ہاشمی
Get real time updates directly on you device, subscribe now.
کوئٹہ (آن لائن) امیرجماعت اسلامی بلوچستان مولانا عبدالحق ہاشمی پارینے کہ حکومت الس ءِ داسکان ہچ ریلیف تتنے‘ دا وخت اسکان کل گڑاک میڈیا و دعوی ءُ۔ کنوئی آ گڑاک یوٹیلٹی اسٹور آتے ٹی افس‘ غریب‘ دیہاڑی دار و مزورکار تپّہ خوار مسنے‘ کبینی ولاک ڈاﺅن غریب الس ءِ خوار کرینے۔ حکومت نا غٹ دعواک دروغ ءُ‘ ڈاکٹر آتا تینا پیسہ اٹ رکھی ازباب ہلنگ حکومت نا مون آچپانٹ اسے‘ الخدمت فاﺅنڈیشن نا غریب ومسکین آتیکن خذمت آک ستا کڑزرہ۔ او پارے کہ صوبائی دارالحکومت اٹ کنوئی آ سفا انگا دیر انا تنکی نا صوبائی حکومت نوٹس ہلے و دمدستی شاری تے سَفا ءُ دیر فراوان کننگے‘ او پارے کہ وزیراعظم نا مسہ گھنٹہ نا کوئٹہ نادورہ نشستن گفتن وبرخاستن آن زیات پین ہچ الو۔ صوبائی حکومت، افسر آک کاغذی بریفنگ ترسا وزیراعظم ءِ است جم کریر ولے الس نا الس نا حالیت‘ فریشانی وبیوسی آن وزیراعظم ءِ معلومدار کتوس ہراکہ غریب الس تون بیدادی اسے۔