صدر نا رکھی گڑا و ایلو المی آ طبی ازباب آتا فراوانی ءِ پک کننگ ناپارت
Get real time updates directly on you device, subscribe now.
اسلام آباد (اے پی پی) صدر مملکت ڈاکٹر عارف علوی نیشنل ڈیزاسٹرمینجمنٹ اتھارٹی (این ڈی ایم اے) نا چیئرمین لیفٹیننٹ جنرل محمد افضل ءِ ہسپتال آتے ٹی جندی رکھی گڑا و ایلو المی آ طبی ازباب آتا فراوانی ءِ پک کننگ ناپارت کرینے تانکہ کورونا غان زہمی ناجوڑ آتا گچین درمان ءِ کننگ مرے۔ داپارت ءِ او جمعہ نادے آ چیئرمین این ڈی ایم اے نا کنڈآن تروک اسہ حوال اسے ٹی کرے۔ چیئرمین جان جوڑی و دابشخ اتون گنڈوک بندغ آتے کمک فراوان کننگ کن جندی رکھی گڑا وطبی ازباب آتا فراوانی نا بابت این ڈی ایم اے نا کنڈآن کروک آ گام گیج آتے تالان کننگا۔ اوپارے کہ ڈاکٹر و نرس آتا گرج آتے پورو کننگ کن ہسپتال آتے گنج اس جندی رکھی گڑا فراوان کننگانے۔ اوپارے کہ این ڈی ایم اے اولیکو وار ڈاکٹر، نرس و طبی ازباب آتا جامع ڈیٹابیس اس جوڑ کرینے ہراکہ آخبت اٹی رابطہ غاتا مسخت کن بھاز کمکار مریک۔ لیفٹیننٹ جنرل محمد افضل مستی پارے کہ فرنٹیئر ورکس آگنائزیشن (ایف ڈبلیو او) کورونا ناجوڑ آتے کن اسلام آباد اٹی 282 کٹ آتیا تالان ہسپتال اس جوڑ کننگ ءِ۔ صدر مملکت ساڑی آ کورونا تنکی تون مون تننگ کن این ڈی ایم اے نا کنڈ آن کروک آ گام گیج آتا ستاءِ کرے و چیئرمین این ڈی ایم اے ءِ دا دین انا برخلاف پین گچین گام گیج کننگ نا پارت کرے۔