یمنی فوج نا الجوف صوبہ نا محاذ آتیا پیش قدمی‘ جھڑپ آتیٹی 26 جنگوڑو خلنگار

صنعا(آن لائن)یمن اٹ الجوف صوبہ نا شار الحزم نا دے ٹک اٹ جھڑپ آتیٹی سرکاری فوج انا پیش قدمی پدریسہ چارمیکو دے ہم برجا سلیس۔ دا وخت آ یمنی فوج ءِ اُلسی مزاحمت کار و عرب اتحاد نا طیارہ غاتا کمک دوئی ئس و جھڑپ آتیٹی پین  26 جنگوڑو خلنگار وخت اس کہ عرب اتحاد نا لڑاکا طیارہ غاک حوثی تا 4 گاڈی تے بھس کریر۔ دا گاڈیک باغی تیکن کمک درسا ہنارہ۔ میڈیارپورٹ آتا رداٹ یمنی سلہہ بند فوج انا میڈیا سینٹر نا کنڈآن جاری بیان اٹ پاننگانے کہ سرکاری فوج و اُلسی مزاحمت کار آک الشہلا نا محاذ آ بھلو جلہو اس کرسا اوڑے حوثی تا کل ٹھکانہ غاتے آجو کرفیر و داسہ مدان مدان النضود نا محاذ نا کنڈآ ہننگ اٹی ءُ تانکہ ایلو ٹھکانہ غاتے ہم کلیئر کننگے۔ دا وخت اٹ حوثی ملیشیا ءِ بھلو جانی و مالی نسخان اس ہرفوئی تما۔  عرب اتحاد نا لڑاکا طیارہ غاک حوثی تا چار گاڈی تے بھس کریر۔ دا گاڈیک باغی تے کن کمک درسا ہنارہ۔ یمنی فوج حوثی ملیشیا نا فرار مروک آ بندغ آتا سلہہ و عسکری ساز و سامان ءِ تینا کوزہ ٹی ہلکر، یات سلے کہ یمنی فوج تدوک آ دے اسہ بھلو آپریشن اس بنا کریسُس۔