کراچی نا اللہ والا ٹاؤن اٹ رہنگوک ءُ بلڈنگ اس تما‘ 2 بندغ زوال

کراچی (مانیٹرنگ ڈیسک) کراچی ٹی اسہ بلڈنگ اس تما، کورنگی کراسنگ آ اللہ والا ٹاؤن اٹ 4 منزلہ والا رہنگوک ءُ بلڈنگ اس تما، بھسکاری آن پد  2 لاش و  8 ٹھپی تے تموک آ گڑاتیان کشانو۔ ہیوی مشینری موقع غا ساڑی مس، ریسکیو ٹیمک کمکی کاریم تیٹی اختہ ءُ، انتظامیہ نا پاننگ ءِ کہ ارا دے مُست عمارت بلڈنگ ءِ خالی کننگ نا پرمان تننگاسُس و اسٹ ارٹ آن بیدس کل خاہوت آک بلڈنگ ءِ الاسُر۔ موقع غا ساڑی شاہدی اس پارینے کہ داسہ ہم بندغ آک بلڈنگ نا تہٹی ساڑی ءُ، پِر تیان پد  بلڈنگ نا بیسمنٹ اٹ دیر سلیسنے، ادارہ غاتے وار وار درخواست آن پد ہم دیر ءِ کشتوس۔