بنجا مچ آ ملک انا پر تیان زہمی آ علاقہ غاتتون کمک کے‘ بلاول بھٹو

کراچی(آن لائن) چیئرمین پاکستان پیپلز پارٹی بلاول بھٹو زرداری سندھ اتون اوار مچ آ ملک اٹ پر آن زہمی علاقہ غاتیکن بنجائی کمک نا خواست کرسا وزیراعظم آن خواست کرینے کہ او 2011  ٹی بروک آ نوکاپ آن پد پیپلز پارٹی نا کنڈآن ہرفوک آ گام گیج آتے ہرسا ہندا ڈٹ آتیا عملدرآمد کے، اونا پاننگ ئس آصف زرداری نا برخلاف کل مقدمہ غاک  سیاسی و ملنڈ آن بیدس ہچ اس ہم افس، مسکوہی صدر ءِ عدالت آتیٹی گرّنگ انگ ءِ، نیب ءِ داوڑ پیش بروئی اف، توشہ خانہ نا آخا، 18 میکو ترمیم و این ایف سی نا حساب ءِ ہلنگ انگ ءِ، حساب تو کل انا مرے، مسخرہ نا گوازی کننگ ءِ بند کننگے، اسٹ آخا ارا پاکستان پاش خننگ انگ ءُ، دوغلا نظام چلینگ انگ کپک، پاننگے وزیراعظم نا برخلاف جے آئی ٹی جوڑ مرے، تدوک آ دے پریس کانفرنس آن تران اٹ او پارے کہ بنجائی حکومت نا جہانی آب انا ڈٹ اس ئس ہراڑان نن پاکستان کارڈ نا کمک اٹ نوکاپ و پِر نا زہمی تیا پیسہ سر کننگاسُس و وزیر اعلیٰ وزیر اعظم تون اوڑدہی ٹی مچ آ ملک اٹ داوڑ نا پروگرام اس بنا کننگ نا خواست کرے۔ او پارینے کہ نن خواست کینہ کہ ہندا ایس او پی و ڈٹ بندی نا رداٹ عمل کننگے ہرا اسلام آباد نا اسہ دفتر اسے ٹی پیپلز پارٹی نا ریلیف نا ڈٹ تموک ءِ ہمودے کشسا عملدرآمد کننگے او پارینے کہ گلگت بلتستان، بلوچستان و کراچی ٹی ہم زہمی ارے و سندھ اٹ ہم پِر آن نسخان مسنے وخت اس کہ کچہ ٹی رہنگوک آ بندغ آتے نن گدریفینن و صوبہ ٹی 25 لکھ پاکستانی زہمی مسنو۔