کراچی آ سیاست مس تو پی ٹی آئی و پی پی ہڑتوم آک بے شرف مریرہ‘اسد عمر

0

Get real time updates directly on you device, subscribe now.

اسلام آباد (آن لائن) وزیر ڈٹ بندی اسد عمر پارینے کہ کراچی ٹریجڈی آ سیاست کننگا تو تحریک انصاف و پیپلز پارٹی ہڑتوم آتے نسخان رسینگک، کاریم کروئی اف تو ٹرک نا بتی نا پد آن خلیرہ، منوہ  سندھ ہفت و نیم ارب روپئی تسنے ولے کاریم ءِ ہراتم بنا کینہ، دود و بیان تیان مونی ہنسا کاریم کروئی تمک۔ تدوک آ دے میڈیا تون ہیت وگپ کرسا بنجائی وزیربرائے ڈٹ بندی اسد عمر پارینے کہ تدوک آ 4 دے آن مچ آ میڈیا والاک اسہ سوج اس کننگ اٹی ءُ کہ بنجا سندھ اٹ اخس پیسہ تننگ اٹی ءِ و سندھ حکومت اخس کس اس ہم دا ہرفتو کہ کاریم ءِ ہراتم بنا کننگک ہراتم کس اسے کاریم کروئی متو تو ہیت ءِ دانگ اینگ پیرہ ایتک کہ بنجا کم پیسہ تننگ اٹی ءِ و نن زیات۔ او پارینے کہ مننہ کہ سندھ حکومت ہفت و نیم سد ارب تننگ اٹی ءِ تو ولدا کاریم ءِ انتئے بنا کننگپک۔ پریس کانفرنس پریس کانفرنس نا زی آ مننگ اٹی ءِ ایلم ببو کاریم کین اُلس ءِ کاریم تون ملطب ءِ۔ پریس کانفرنس آتون کاریم اف اگہ کراچی ٹی کاریم متو تو پیپلزپارٹی و پی ٹی آئی ہڑتوم آتے ہیت بنوئی تمک، نن اوکان بننگ آن پد کاریم ءِ بنا کرینن کے فور نا بابت اٹ وزیراعلیٰ سندھ ءِ چٹھی اس ہم نوشتہ کننگانے  انتئے کہ او پاریکہ کہ کے فور ڈٹ بنجا نا ءِ نن مننہ کہ دا ننا ڈٹ اسے۔

Get real time updates directly on you device, subscribe now.

Leave A Reply

Your email address will not be published.