دہشتگرد آتا ناپاک عزم ءِ نن ہرحال اٹ بے سہب کینہ، گورنر بلوچستان

0

Get real time updates directly on you device, subscribe now.

کوئٹہ (اے پی پی) گورنر بلوچستان امان اللہ خان یاسین زئی چمن شار مال روڈ آ دھماکہ ٹی سیکورٹی کارندہ و کودک شاری تا شہید و ٹھپی مننگ آ است ہسونی نا درشانی ءِ کرسا دہشت گردی نا دا واقعہ نا ترند انگا لوز آتیٹی مذمت ءِ کرینے۔ تینا اسہ بیان اسے ٹی گورنر بلوچستان امان اللہ خان یاسین زئی پارے کہ دہشت گرد و تخریب کار آتا ناپاک عزم ءِ نن امر کہ مرے بے سہب کینہ، اوکانود نافذ کروک آ ادارہ غاتیا زور شاغاکہ او دہشت گردی نا واقعہ ٹی اوار زموار آتے زوت آن زوت دزگیر کرسا اوفتے اوفتا کروک نا سزا تننگے، گورنر یاسین زئی شہید آتا بخشش و ٹھپی تا زوت دراخ جوڑی کن دعا کرے۔داکان بیدس اسپیکر بلوچستان اسمبلی میر عبدالقدوس بزنجو نا چمن دھماکہ نا ترند انگا لوز آتیٹی مذمت، اوچمن دھماکہ ٹی نہادی جانی نسخان تیا است ہسونی نا درشانی ءِ کرسا پارے کہ دہشت گرد آتے بلوچستان نا امن ءِ بھس کننگ کن الیپنہ۔ اوشہید آتا خاہوت آتون ہمدردی کرسا پارے کہ نن ڈکھیاہ خاہوت آتا غم اٹ بریبر نا شریک اُن۔ او شہید مروک آ بندغ آتا درجہ غاتا بڑزی و ٹھپی تا زوت دراخ جوڑی کن دعا کرے۔ ہندن صوبائی وزیر تعلیم بلوچستان سردار یار محمد رند انا چمن مال روڈ دھماکہ نا ترندی اٹ مذمت، دہشت گردی نا برخلاف جنگ اٹ پاکستانی قوم انا جوزہ غاتے نزور کننگ مفک، اوپارے کہ دھماکہ ٹی شہیدمروک آ بندغ آتا خاہوت آتا غم اٹ بریبر نا شریک اُن، صوبائی وزیر واقعہ ٹی ٹھپی مروک آ بندغ آتے گچین طبی آسراتی فراوان کننگ نا پارت کرے۔ 

Get real time updates directly on you device, subscribe now.

Leave A Reply

Your email address will not be published.