بنجائی وزیر داخلہ بریگیڈیئر(ر) اعجاز احمد شاہ نا چمن اٹی دھماکہ نا مذمت

اسلام آباد (اے پی پی) بنجائی وزیر داخلہ بریگیڈیئر(ر) اعجاز احمد شاہ چمن اٹی مال روڈ آ دھماکہ نا ترند انگا لوز آتیٹی مذمت ءِ کرسا واقعہ ٹی ٹھپی مروک آ بندغ آتا زوت دراخ جوڑی کن دعا کرے۔ دوشنبے نادے آ وزارت داخلہ غان جاری بیان نا رداٹ بنجائی وزیر داخلہ پارے کہ نہادی جان تا زیان آ است ہسونی مس۔ اللہ تعالیٰ غان دعا ءِ کہ او خاہوت آتے صبر کننگ نا توفیق عطاکے۔ اوپارے کہ داوڑنا واقعہ غاک الس اٹ خوف و بھیم تالان کننگ نا کوشست ءُ۔ شرپسند زموار آتے اسُل سرسہب مننگ کن الیپنہ۔