صوبائی حکومت ہندی اخبار تا ویل آتیان بلد ءِ ،شاہ عرفان غرشین

کوئٹہ (اے پی پی) صوبائی سیکرٹری حوالکاری شاہ عرفان غرشین تون ایکشن کمیٹی اخباری صںعت بلوچستان نا ڈل انا اوڑدہی، داوخت آ اخباری صنعت ءِ مون تروک ویل آتا بابت سرجم گپ وتران کننگا ڈل اتون ہیت وگپ کرسا سیکرٹری حوالکاری شاہ عرفان غرشین ناپاننگ ئس کہ 2017-18ءانا سلوک آ پیسہ غاتا زرتس اکن گام گیج کننگ انگ ءِ وخت اس کہ صوبائی حکومت ہندی اخبار تا ویل آتیان جوانی اٹ بلد ءِ و اوفتا ایسری کن گام گیج کننگ ءِ، صوبہ نا اخبار و جرائد آک ہم کوروناوائرس ناسوب آن بھاز زہمی مننگ ءُ۔ صوبائی حکومت نا کوشست ءِ کہ صنعت ءِ مالی خواری تیان کشنگ مرے داوخت آ ایکشن کمیٹی اخباری صنعت بلوچستان ناڈل سیکرٹری حوالکاری ءِ مون تروک ویل آتا بابت پارسا پارے کہ وزیراعلیٰ بلوچستان ناپرمان تیان پد ہم ڈسپلے اشتہار آتے جاری کننگپک وخت اس کہ ریگولر اشتہار آتیٹی ہم ہندی اخبار آتے گوجالنگ انگ ءِ سیکرٹری حوالکاری شاہ عرفان غرشین نا پاننگ ئس کہ صںعت نا ویل آتا ایسری کن پیدوار پالیسی آ کاریم آخریکو مرحلہ ٹی ءِ ہراڑان غٹ اسٹیک ہولڈر آتا سلاہ ءِ اوار کننگانے۔ ایکشن کمیٹی اخباری صنعت بلوچستان نا ڈل اٹی چیئرمین حاجی عبدالغفار لانگو، جنرل سیکرٹری مرتضیٰ ترین، ڈپٹی چیئرمین رضوان ہاشمی، پریس سیکرٹری مدثر ندیم، و ایگزیکٹو باسک نعیم اختر سہیل بلال، منیر بلوچ و عمران جمالی اوار ئسر۔