جے آئی ٹی آن پک مس عزیر بلوچ نا کمکارآک اقتدار اٹ تولوک ءُ ، مراد سعید

اسلام آباد (اے پی پی) بنجائی وزیر مواصلات مراد سعید پارینے کہ جے آئی ٹی رپورٹ آن پیدوار ءِ عزیز بلوچ نا کمکارآک اقتداراٹی تولوک ءُ ، عزیر بلوچ امنا کرے کہ بھتہ نا پیسہ غاک آصف زرداری نا ایڑھ ءِ ملارہ، شوگرمل آتیا آصف زرداری نا پاننگ آ کوزہ کننگا۔ پنچ شنبے نادے آ قومی اسمبلی ٹی مراد سعید گپ وتران کرسا پارے کہ مسکوہی وزیراعظم نا بھاز انگا ہیت آتیان امنا کینہ، ہر اسٹ نا داڑے حق ءِ کہ او داڑے ہیت کے۔ ولے اخلاق آن تموک ہیت کننگ نا ہچ کس ءِ حق اف۔ مراد سعید پارے کہ سندھ حکومت نا جے آئی ٹی آ علی زیدی نا شرہ چلینگ انگ ءِ، دا رپورٹ اٹی بھتہ خوری، کشت وخون نا ہیت آتے چست کننگا، بھتہ خوری و خون دِنا پاننگ آ کننگا او ایلو جے آئی ٹی ٹی ءُ۔ مراد سعید پارے کہ عزیر بلوچ نا 164 نا امنائی بیان ءِ ایسونٹ بسونٹ۔ بنجائی وزیر مراد سعید پارے کہ بیرہ پنچ پوائنٹ ہرفوہ، اپوزیشن اِراگھنٹہ ہیت کے، جے آئی ٹی نا مندرجہ غاتیا سجفپننگ انگ ءِ۔ مراد سعید پارے کہ امنائی بیان اٹی عزیر بلوچ پارے کہ 2008ءآن 2013ءاسکان چندی ذریعہ غاتے اٹ سلہہ ہلک۔ عزیر بلوچ پارے کہ پولیس مقابلہ، برمتہ برائے تاوان اٹ پی پی نا پاننگ آ واکداری ءِ کاریم اٹ ایس۔ شڑت انا اڈہ غاتا سرپرستی ءِ کرے۔ عزیر بلوچ پارے کہ ای پولیس موبائل ءِ کاریم اٹ اتسا خون کریٹ۔ لخ تے تڑیٹ و لاش آتے خاخر تسٹ۔ مراد سعید پارے کہ اِرا جے آئی ٹی نا ہیت مننگ ءِ۔ اسہ ایلو نا جے آئی ٹی نا کاپی تے منپننگ ءِ، ہڑتوم آتا جے آئی ٹی تیٹی اسہ ہیت مشترک ئس۔ ہڑتوم آ جے آئی ٹی تیٹی داہیت مون آ بریک۔ عزیر بلوچ نا کمکارآک اقتدار اٹی تولوک ئسر۔ اوپارے کہ عزیر بلوچ بیان ایتک۔ عزیر بلوچ پائک کہ بھتہ نا پیسہ غاک آصف زرداری نا ایڑھ ءِ ملارہ۔ عزیر بلوچ پائک کہ یوسف بلوچ تون اوار تھانہ نا موبائل ءِ ہرفسا دریٹ۔ اسہ بندغ اسے سرکاری گاڈی تیٹی ہلکن، اونا کاٹم ءِ کشکان و کاٹم اٹ فٹ بال آنبار گوازی کرین۔ مراد سعید پارے کہ شوگر مل آتیا آصف زرداری نا پاننگ آ کوزہ کننگ اٹ مدت کننگا۔