بایدے کوئٹہ و گوادر فیڈریٹنگ یونٹ بلوچستان نا سسٹر کیپٹل مریر‘ نواب اسلم رئیسانی

کوئٹہ ( آن لائن) مسکوہی وزیراعلیٰ بلوچستان وچیف آف ساراوان نواب محمد اسلم رئیسانی راجی رابطہ غاتا ویب سائٹ آ ویڈیو نا اسہ کلہو اسے ٹی سوج اس کرینے کہ اگہ دا ریاست لسبیلہ ءِ تو داڑان زیات خراب حالیت ریاست بلوچستان نا مریک۔ ویڈیو ٹی خننگک کہ اسہ بندغ اس درخت آتا کمک اٹ اسہ جل اسے آن ایپار مننگ اٹی ءُ۔ نواب محمد اسلم رئیسانی تینا اسہ کلہو اسے ٹی پارینے کہ او تینا وزارت اعلیٰ نا نا وخت آ گوادر ءِ یخ انا مُد اکن صوبائی دارالحکومت ءِ پی سی نا ماس آ سنگھار آ وزیراعلیٰ سیکرٹریٹ نا جوڑ کننگ نا پڑو کرے ولے داڑا ہچ ءُ عمل اس متو۔ او پارینے کہ کوئٹہ وگوادر ننا فیڈریٹنگ یونٹ بلوچستان نا سسٹرکیپٹل بایدے مریر، باسنی ٹی مخلوق سوئمنگ پول اٹ تار خلنگ آن مزہ ہلیرہ ولے داڑان چَپ عمران خان جھیڑہ غاتا تلاپ اٹ تار خلنگ نا شونق تخک۔