جعلی ڈومیسائل تے کوٹہ غا بنجائی پوسٹ آتیٹی ملازمت کننگ ناموکل تفنہ، عبداللہ خان کھوسہ

کوئٹہ (اے پی پی) ڈپٹی کمشنر کوہلو عبداللہ خان کھوسہ پارینے کہ جعلی لوکل ڈومیسائل آتیا اسٹ اسے ہم کوہلو نا کوٹہ غا بنجائی پوسٹ آتیٹی ملازمت کننگ ناموکل تفنہ، داوخت آ ننے ضلع غان 173 ملازم آتا لسٹ رسینگانے ہرا کوہلو نا کوٹہ غا بنجاٹی ملازمت کننگ ءُ دافتیان داتم اسکان 80 ملازم آتا لوکل ڈومیسائل آتے پک کننگانے وخت اس کہ ایلوفتے نوٹس جاری کرینن پک کننگ نا مرحلہ غان گدرینگ انگ ءُ، پک کننگ نا مرحلہ ءِ پورو شفاف کننگ نا ہروڑکوشست کننگ انگ ءِ ڈیوالائی کروک آتا برخلاف سخت کارروائی کننگک تانکہ جعلی لوکل جوڑ کروک یا اوفتا کمکار آک پین وخت اسے کن اسہ مثال اس مریر ہر بشخ آن تعلق تخوک آ بندغ آتیان خواست ءِ کہ اگہ اوفتے تون پک مواد ارے ہراڑان پاش مرے کہ فلاں ملازم کوہلونا لوکل اف تو نن تون دمدستی رابطہ کے تانکہ وخت آ کارروائی کننگ مرے داکان بیدس غلط ہوکاتیان پاناد کننگے کوہلو ناکوٹہ غا جعلی لوکل ڈومیسائل آ ملازمت کننگ نا داسہ پین گنجائشت اف پک کننگ نا مرحلہ پورو مننگ تون معلوم مننگ کیک کہ داٹی اخس جعلی و اخس کوہلو نا لوکل ڈومیسائل تخوک آ ملازم ءُ۔