پاکستانی انجینئرآک ملخ آتون جنگ تننگ کن ڈرون تیار کرینو، فواد چوہدری

اسلام آباد (اے پی پی) بنجائی وزیر سائنس اینڈ ٹیکنالوجی فواد چوہدری پارینے کہ پاکستانی انجینئرآک ملخ آتون جنگ تننگ کن ڈرون تیار کرینو۔ ہرا زوت جوان ءُ ریٹ اسے آ مارکیٹ اٹ ملرہ۔ پنچ شنبے نادے آ نجی چینل تون گپ وتران کرسا بنجائی وزیر پارے کہ ڈرون ٹیکنالوجی ٹی پاکستان بھلو حد اسسکان ایڈوانس مسنے۔ اوپارے کہ کشت وکشار کن ڈرون غٹ آن اہم انسٹرومینٹ جوڑ مسنے۔ اومستی پارے کہ ڈرون اٹ اسپرے کننگ کم خڑچ ءِ و داڑان وخت ہم زیان مفک۔ اوپارے کہ ڈرون اٹ اسپرے کننگ کن کم مخلوق درکار مریک۔ فواد چوہدری پارے کہ پاک اوغان سیم انا رکھ اکن کاریم اٹ اتنگاسس و داسہ نن دادے تینا بزغرآتا آسراتی کن تینا کھیت آتیٹی کاریم اٹ اتینہ۔