ورناک تعلیم تون اوار اوار گوازی تیٹی ہم بشخ ہلیر‘ کیپٹن (ر) مہراللہ بادینی

زیارت(خ ن ) ڈپٹی کمشنر زےارت کیپٹن (ر)مہر اللہ بادےنی جوڑ مروک آ فٹسال اسٹےڈےم و اسپورٹس ےوتھ ہاسٹل نا کنڈآن جوڑ مروک آ کاریم نا جاچ ءِ ہلک او وخت آ ڈسٹرکٹ اسپورٹس افسر ناصرپانےزئی ہم ساڑی ئس۔ ڈپٹی کمشنر زےارت کاریم ءِ وخت آ پورو کننگ نا پارت کرسا پارینے کہ کاریم اٹ خراب ءُ مٹےرےل کاریم اٹ اتنگ نا ہچ ءُ موکل تننگ کپنہ۔ شونداری کاریمک اُلس نا امانت ءُ داڑا ہچ ءُ سمجھوتہ اس کپنہ۔ او پارینے کہ ورناک آب اٹ انگا تعلےم تون اوار گوازی تیٹی جوان وڑاٹ بشخ ہلیر او ملک و قوم انا پن ءِ پنی کیر۔ نن ہر فورم آ اوفتا اُست خواہی ءِ کینہ او گوازی تا بابت اٹ کل آسراتی تے ایتنہ۔ او پارینے کہ ضلع زےارت نا گوازی گرتیٹی ٹےلنٹ نا ہچ ءُ کمتی اس اف۔ اوفتا ٹیلنٹ ءِ مون آ اتنگ نا گرج ءِ۔ حکومت ورنا تے گوازی نا آسراتی تننگ کن ہروڑ نا گام گیج کننگ اٹی ءِ۔