وزیر اعلیٰ بلوچستان میر قدوس بزنجو کوئٹہ پیکیج آ مروک کرار کاریم آ ترند
Get real time updates directly on you device, subscribe now.
کوئٹہ: وزیراعلیٰ بلوچستان میر عبدالقدوس بزنجو کوئٹہ پیکیج نا ڈٹ آتے پورو کننگ اٹ کرار کاریم آترند مرسا کوئٹہ پیکیج نا پراجیکٹ ڈائیریکٹر ءِ سخت پارت کرینے‘ وزیراعلی پارت کرینے کہ پیکیج نا ڈٹ خاص وڑ اٹ سریاب روڈ و سبزل روڈ نا بھلنی ناکاریم تے جنگی بنداو آ پورو کننگے۔ وزیراعلیٰ پارے کہ شونداری ڈٹ آتا مسخت الس ءِ عذاب و خوار کننگ آخا بلکہ ریلیف تننگ ءِ‘ سریاب روڈ و سبزل روڈ نا الس ڈٹ آنا پورو مفننگ ناسوب آن تدوک آ اِرا سال آن خوار وفریشان ءِ۔ وزیراعلیٰ پارے کہ انسکمب روڈ ءِ بھلن کننگ کون آ ڈٹ ءِ ٹریفک ناویل آتے کم کننگ کن ڈیزائن کننگا ولے بدبختی اٹ دا ڈٹ انا کاریم ہم کرار ءِ‘ وزیراعلیٰ انسکمب روڈ ءِ بھلن کننگ نا ڈٹ ءِ 31 مئی 2022اسکان پورو کننگ نا ڈیڈ لائن تسنے۔ وزیراعلی پارے کہ الس ءِٰ خوار کننگ نا عمل ءِ اسُل سگنگ مفک‘ ڈٹ آتا پورو کننگ اٹ ہُرے مننگ ان ڈٹ آتا خڑچ اٹ ودکیو وسیلہ غاک زیان مریرہ۔ وزیراعلیٰ پارت کرینے کہ ڈٹ آتے ٹی ہراڑے ہم تکنیکی یاپین مشکل ارے اوفتے دمدستی اینک کننگے و پیکیج نا ڈٹ آتا پیش رفت رپورٹ ءِ کنے ہڑدے نا بنداو آ تننگے۔ وزیراعلیٰ چیف سیکرٹری ءِ ڈٹ آتیا پیش رفت نا جاچ ءِ ہلسا پراگریس رپورٹ پیش کننگ ناپارت ہم کرے۔