ایشیائی بینک پاکستان نا این ڈی ایم فنڈ اکن 50 ملین ڈالر جتا کرینے

دا گام گیج نا مسخت کوروناوائرس تون مون تننگ کن پاکستان نا کوشست آتے ٹی ترندی اتنگ ءِ ، ایشیائی بینک

0

Get real time updates directly on you device, subscribe now.

اسلام آباد(اے پی پی) ایشیائی شونداری بینک (اے ڈی بی) کوروناوائرس نا دین اتون مون تننگ نا رداٹ پاکستان نا حکومت تون کمکاری ءِ مون آ دننگ کن نیشنل ڈیزاسٹرمینجمنٹ فنڈ آن 50ملین ڈالر نا اول سرآن جتا ءِ کرینے، ہرانا رداٹ داسہ دا فنڈ ءِ مست آن پک مروک مسخت آتتون اوار اوار کوروناوائرس نا دین آن ودی مروک آحالیت آتا رداٹ ودکی مسخت آتے کن ہم کاریم اٹ اتنگ مریک۔ داگام گیج انا مسخت کوروناوائرس تون مون تننگ کن پاکستان نا کوشست آتے ٹی ترندی اتنگ ءِ ،بینک انا کنڈآن جاری بیان نارداٹ دا فنڈ آن ہسپتال آتا طبی ازباب آتا فراوانی ، تشخیصی لیبارٹری تا جوڑ کننگ و کاریم نا کچ اٹی گچینی، آئیسولیشن یونٹ آتا جوڑ کننگ و ایلو طبی آسراتی تا فراوانی ٹی گچینی بریک۔ داٹی 30ملین ڈالرنااول سرآن جتا کننگ ہم اوار ءِ ہرافتا بینک انا وسیلہ غاتیان منظوری ءِ تننگاسس ولے دافتاکاریم اٹ اتنگ ءِ عمل اٹ اتنگتویسس۔ بیان اٹی پاننگانے کہ حکومت پاکستان نا خواست آن پد ایشیائی شونداری بینک این ڈی آر ایم ایف پروجیکٹ نا دنگ اٹ بدلی نا عمل سبک رفتار اٹ پورو کرینے تانکہ کوروناوائرس تون مون تننگ کن غٹ دوئی وسیلہ غاتے دمدستی وڑاٹ کاریم اٹ اتنگ مرے۔ داکان بیدس بینک کیپٹل گین ءِ کاریم اٹ اتسا تینا انڈومنٹ فنڈ آن پین 20ملین ڈالر فراوان کرینے تانکہ دین آ کنٹرول نا کارروائی تیٹی ترندی اتنگ مرے۔ فنڈز آتا فراوانی دواپریل آ جہانی بینک انا کنڈآن منظور مروک عالمگیر دین انا بابت گام گیج آتا پروجیکٹ (پی آر ای پی) آ عمل درآمد نا درشانی ءِ۔ ایشیائی شونداری بینک انا پاکستان اٹی کنٹری ڈائریکٹر ڑیاوہونگ ینگ پارے کہ کوروناوائرس نا دین پاکستان کن اسہ بھلو چیلنج اسے و داتنکی تون وخت آ و گچین وڑاٹ مون تننگ کن ایشیائی شونداری بینک پاکستان تون کمکاری ٹی پرعزمءِ۔ اوپارے کہ فنڈ آتا فراوانی آن پاکستان نا حکومت ءِ دین اتون مون تننگ اٹ جان جوڑی نا خذمت آتے گچین، سوگو و مربوط کننگ اٹ کمک رسینگک۔ اوپارے کہ مالی کمکاری تون اوار اوار ایشیائی شونداری بینک آفت آتون مون تروک آ ادارہ غاتا کاریم نا کچ اٹی گچینی کن تکنیکی کمکاری ہم فراوان کننگ ءِ دافتے ٹی کم آن کم 5ہزار ڈاکٹرز، نرس و طبی عملہ ءِ تکنیکی تربیت نا فراوانی اوار ءِ۔

Get real time updates directly on you device, subscribe now.

Leave A Reply

Your email address will not be published.