وزیراعظم عمران خان نا دورہ بیرہ فوٹو سیشن اس ئس‘ ڈاکٹر عبدالحئی بلوچ

حکمران آک اپوزیشن تون اسیجا تولنگ کن تیار افس‘ اسہ قوم اس جوڑ مرسا کورونا دَین اتون جنگ کروئی مریک

0

Get real time updates directly on you device, subscribe now.

کوئٹہ (آن لائن) نیشنل ڈیمو کریٹک پارٹی نا سروک ڈاکٹر عبدالحئی بلوچ پارینے کہ وزیراعظم عمران خان نا دورہ بیرہ فوٹو سیشن اس ئس‘ حکمران آک اپوزیشن تون اسیجا تولنگ کن تیار افس‘ ولدا پارہ کہ اسہ قوم اس جوڑ مرسا کورونا دَین اتون جنگ کروئی مریک‘ عمران خان میڈیاتون اوار ہر جاگہ غا محاذ اس ملانے‘ تانکہ پارلیمنٹ، اپوزیشن، سیاسی جمہوری جماعت آک اسیجا مفسہ‘ دا جہانی دَین نا مون ءِ توننگ مفک۔ ڈاکٹر عبدالحئی بلوچ پارے کہ نن تومہالو آن پاننگ ان کہ حکمران آک کورونا دَین نا توننگ کن سنجیدہ افس‘ عمران خان کوئٹہ ٹی فوٹو سیشن کننگ کن بس‘ بلوچستان نا الس نا احساس مسکہ تو تفتان اٹ بروک زائر آتا بست وبند کننگاکہ‘او پارے کہ ننا ڈاکٹر آک برانز کننگ اٹی ءُ‘ ڈاکٹر آک رکھی ازباب آن بیدس تینا جان تے دلدست آ تخسا کورونا نا زہمی تا درمان ءِ کننگ اٹی ءُ‘ بلوچستان مست آن گوجالنگانے‘ حکمران آک بایدے کل آن زیات بلوچستان آچکار کروسر‘ نن تون رکھی ازباب اف‘ بلوچستان نا 33 ضلع ٹی میڈیکل نا ہچ ءُ بست وبند بست اس اف‘ عمران خان تینا اپوزیشن تون تولپک تو نن امر کورونا ءِ توننگ کینہ۔ تانکہ پارلیمنٹ اپوزیشن اسیجا مفسہ نن دا جہانی دَین ءِ توننگ کپنہ۔ عمران خان پن انا ٹائیگر فورس جوڑ کرے دا تو قوم ءِ اسیجا کننگ نا جاگہ غا تینے بشخ وبانٹ کننگ اٹی ءِ۔

Get real time updates directly on you device, subscribe now.

Leave A Reply

Your email address will not be published.