ہژدہمی ترمیم عوامی نیشنل پارٹی نا مسکوہی حکومت نا کاریم اسے‘اصغرخان اچکزئی

0

Get real time updates directly on you device, subscribe now.

کوئٹہ (آن لائن) عوامی نیشنل پارٹی نا صوبائی صدر و پارلیمانی لیڈر اصغر خان اچکزئی پارینے کہ 18می ترمیم عوامی نیشنل پارٹی نا مسکوہی حکومت نا کاریم اسے و ہندا کاریم ناسوب آن چنکا صوبہ غاتے ٹی احساس محرومی بھلو ہَد اسسکان کم مسنے۔ اصغر خان اچکزئی پارے کہ دا ترمیم پاکستان نا سیاسی تاریخ نا تاریخی ءُ کاریم اس ئس انتئے کہ چنکا صوبہ غاتے ٹی احساس محرومی بھاز وداسس‘ باچاخان آن ہلیس ولی خان اسکان سرکرڑدہ غاک صوبائی وتواجہی و تینا وسیلہ غاتیا تینا واکداری کن بھاز جہد کریر ہرادے ملی مشر اسفندیار ولی خان ناکماشی ٹی 2010 اٹ عملی دروشم تننگا‘ دا دے غٹ جمہوریت پسند الس و سیاسی جماعت آتیکن خوشی نا دے اسے ہرادے بایدے مدام یات تخنگے۔ اصغر خان اچکزئی اسہ وار خواست کرے کہ 18می ترمیم آن پد ہم صوبائی باندات آتے ٹی نیام تمنگ نا کوشست آک داسہ ہم برجاءُ ہرافتے دمدستی بند کننگے۔

Get real time updates directly on you device, subscribe now.

Leave A Reply

Your email address will not be published.