الس بین آن فریشان ءِ حکمران آک بیرہ قول و بے عملءُ پڑو کننگ ءُ‘مولانا عبدالحق

کوئٹہ (آن لائن) امیرجماعت اسلامی بلوچستان مولانا عبدالحق ہاشمی پارینے کہ الس بین و ملاسی آن فریشان ءِ وخت اس کہ حکمران آک بیرہ قول و خورک و بے عمل ءُ پڑو کننگ اٹی ءُ۔ الس حکمران آتیان نااومیت مسنے۔ بدبختی اٹ اسہ وار ولدا کورونا فنڈ اٹ وڈی خوری کننگ انگ ءِ۔ الخدمت فاﺅنڈیشن مچ آ بلوچستان اٹ ریلیف، سَفائی‘ سروے ورک کننگ اٹی ءِ‘ کم کٹیا کروک دیہاڑی دار تپّہ غان ایس ایم ایس سروس نا کمک اٹ حکومت کروڑ آتا فنڈ ہلک ولے تننگ کن ہچ ءُ وڑ وڈول اس جوڑ کننگ تنے ہراکہ فکر انا ہیت اسے‘ احساس پروگرام نا پیسہ غاک ہم بی آئی ایس پی پروگرام ناوڑ کرپشن نا گواچی مریرہ۔ بے نظیر انکم سپورٹ پروگرام اٹ پیسہ کُنوک و غریب آتا جاگہ غا زرکار آتے پیسہ تروک وہلوک آتا برخلاف کارروائی کننگتو۔دیانت دار ٹیم، پرسجو‘ سزاو جزا مفننگ ناسوب آن حکومت نا ہر ر پروگرام کرپشن نا گواچی مریک۔