چار ہزار مزورکار‘ ڈیلی ویجزآ کاریم کروک و غریب خاہوت آتے ٹی راشن بشخنہ‘حاجی نورمحمد دمڑ

0

Get real time updates directly on you device, subscribe now.

ہرنائی (آن لائن) بی اے پی نا بنجائی راہشون صوبائی وزیر پی ایچ ای، واسا حاجی نورمحمد خان دمڑ پارینے کہ ای تینا پارٹی و تیناکنڈآن گچین کاری حلقہ نا ہڑتوم آ ضلع ہرنائی و زیارت اٹ لاک ڈاﺅن آن زہمی مروک چار ہزار مزورکار‘ ڈیلی ویجزآ کاریم کروک و غریب خاہوت آتے ٹی راشن بشخوہ‘ دا رد اٹ ہڑتوم آ ضلع غاتے ٹی پارٹی نا کہول آ سروے ءِ پورو کننگانے‘ زوت راشن بشخنگ نا بناءِ کینہ‘ حلقہ نا الس ءِ مشکل نادا ساہت اٹ تنیا الیپنہ۔ دا خیال آتادرشانی ءِ او ہرنائی و زیارت نا پارٹی نا ضلعی عہدیدار آتا دیوان آن تران کرسا کرے۔ صوبائی وزیر حاجی نورمحمد خان دمڑ پارے کہ حلقہ نا ہڑتوم آ ضلع غاتا غریب خاہوت آتیکن راشن تننگ نا پیکیج ءِ تیار کننگانے‘او پارے کہ مصیبت نا دا ساہت اٹ غریب آتون کمک کننگ بھلو عبادت اسے‘ الس اُراتے ٹی مرسا کورونا دَین نا مون ءِ توننگ کیک۔اوپارے کہ کورونا دَین مچ آدنیا نا بندغ آتے اُراتے ٹی بند کرینے لاک ڈاﺅن آن دیہاڈی دار‘ مزورکار‘ معذور بندغ آک اِرا بیل انا باخو نا آہری مسنو انتئے کہ پوریا اسُل سلیسنے‘ اسلام دا حالیت آتے ٹی غریب آتا مالی کمک نا سبخ تسنے۔ صوبائی وزیر حاجی نورمحمد خان دمڑ پارے کہ کورونا دَین آن بچنگ کن پاکستان تون اوار مچ آ دنیا ٹی لاک ڈاﺅن ءِ‘ الس حکومتی لاک ڈاﺅن آ سختی اٹ عملدرآمد کے۔

Get real time updates directly on you device, subscribe now.

Leave A Reply

Your email address will not be published.