حوثی تا برخلاف پاک فضائیہ نا کڑد انا بابت حوال دروغ اسے،حوالکاری و شینکاری وزارت

اسلام آباد، حوالکاری و شینکاری وزارت حوثی تا برخلاف پاک فضائیہ نا کاریم اٹ اتنگ نا بابت امریکی اخبار نیویارک ٹائمز اٹی شینک مروک آ خبر ءِ پورو وڑ اٹ دروغ و خودگڑ گوندانے۔ حوالکاری وزارت نا کنڈ آن جاری کروک آ فیکٹ چیک اٹی پاننگانے کہ حوثی تا برخلاف کارروائی کن پاک فضائیہ نا کاریم اٹ اتنگ نا بابت نیویارک ٹائمز نا رپورٹ اٹی ہچ ءُ راستی اس اف و اودے غلط معلومداری آ تالان گوندنگانے۔ حوالکاری وزارت جہانی میڈیا ءِ اسہ وار ولدا چکار کرفسا پارینے کہ مکہ اسیجائی دفاعی معاہدہ نا رد اٹ پاکستانی فوج انا گمانی کاریم اٹ اتنگ یا پن کننگ تون تعلقدار گمان تیان پاناد کننگے۔ فیکٹ چیک نا رِد اٹ پاکستانی فوج انا اگہ پن مننگ اس مس تو دا رد اٹ کل بشخ آتے تعلقدار کمامدار آتا جند فراوان کیک۔