پاکستان و چین نا نیام اٹ ووکیشنل اسکول آتے کن کمپیوٹرو ایلو گڑاتا فراوانی نا معاہدہ غا دستخط
Get real time updates directly on you device, subscribe now.
اسلام آباد (اے پی پی) پاکستان و چین نا نیام اٹ ووکیشنل اسکول آتے کن کمپیوٹر و ایلو گڑاتا فراوانی کن گرانٹ نامعاہدہ غا دستخط مس۔ معاہدہ غا دستخط نا دود چارشنبے نادے آ داڑے وزارت اقتصادی امور اٹی اڈ ہلک ہراٹی پاکستان اٹی چین نا سفیر یاوجنگ بشخ ہلک۔ حکومت پاکستان نا کنڈآن سیکرٹری اقتصادی امور نور احمد معاہدہ غا دستخط کرے۔ داپروجیکٹ آ 4 ملین ڈالر نا خڑچ بریک۔ معاہدہ نا رداٹ چین پاکستان نا نیشنل ووکیشنل و ٹیکنیکل ٹریننگ کمیشن ءِ گڑاو فنی تربیت ایتک۔ پروجیکٹ نا رداٹ 17 ووکیشنل اسکول آتے اپ گریڈ کننگک۔ پاکستان اٹی چین نا سفیر داوخت آ گپ وتران کرسا پاکستان و چین نا نیام اٹ زرگزرانی و اقتصادی کمکاری ءِ برجاتخنگ نا عزم انا درشانی ءِ کرے۔ اوپارے کہ چین پاکستان تون ہر بشخ اٹی کمکاری ءِ برجاتخک۔