ایمل نا آخا ولی نا خیال ءِ‘کارندہ غاتے ہیت آن تورینن‘حافظ حسین احمد
Get real time updates directly on you device, subscribe now.
کوئٹہ (آن لائن) جمعیت علماءاسلام نا بنجائی ترجمان حافظ حسین احمد عوامی نیشنل پارٹی خیبرپختونخواہ نا صدر ایمل ولی خان نا بیان آ تبصرہ کرسا پارینے کہ ننے ایمل نا آخا ولی نا خیال ءِ‘ اونا بھلا تے نن شرف ایتنہ ولے وخ کہ چنکا ہم دا شرف انا رشتہ نا خیال ءِ تخارہ۔ او پارے کہ نن صوبہ خیبرپختونخواہ تون اوار غٹ تنظیم و سرکڑدہ غاتے دا بابت ہیت کننگ آن تورینن تاکہ بروک آدے تے ٹی ننا دا ایلم و اوفتا سرکڑدہ غاک اپوزیشن اٹ تینا 100درسَد کڑد ءِ ادا کیر۔ اوپارے کہ نن دا ہم پاننگ کرینہ کہ صوبہ بلوچستان نا کہول آ و بنجا ٹی اوفتا پالیسی ٹی اسٹی اف‘ بلوچستان اٹ او ٹیسٹ ٹیوب باپ ءِ تینائی کریر تو پک ءِ کہ دانا زہمک جاگہ نا جاگہ سے آن پاش کیرہ۔ اوپارے کہ آزادی مارچ اٹ اسفند یار ولی وایلو سرکڑدہ غاک ننے شرف تسر وداسہ ہم ننے اومیت ارے کہ او داکان زیات جے یو آئی و ایلو اپوزیشن تون اسٹی و کمک ءِ پک کیرہ۔