آن لائن فٹبال گیم‘ سعودی گوازی گر آسٹریلوی حریف ءِ بے سہب کرے

0

Get real time updates directly on you device, subscribe now.

ریاض (مانیٹرنگ ڈیسک) دا آن لائن گوازی ٹی انٹرنیشنل اسپورٹس فیڈریشن نا گوازی گرک بشخ ہلکر۔ ولدا ہم سرسہبی سعودی عرب نا ورنا غا گوازی گر نا بشخ اس مس۔ در ملکی خبر رساں ادارہ نا رداٹ آن لائن فیفا فٹبال ٹونامنٹ اٹ سعودی ٹیم نا گوازی گر نجد فہد آسٹریلوی حریف جیسیکا ءِ 5-1 اٹ بے سہب کرسا سرسہبی دوئی کرے۔ یونیورسٹی ٹیم تا لیگ نا کماش ڈاکٹر خالد المزینی دا سرسہبی آ سعودی عرب آن تعلق تخوک آ نیاڑی گوازی گر نجد ءِ مبارکبادی تس۔ وخت اس او اومیت کرینے کہ سعودی ٹیم نا ایلو گوازی گرک ہم جوان کارکڑد نشان ایترہ۔ ڈاکٹر خالد المزینی پارینے کہ آن لائن ویڈیو گیم نا انٹرنیشنل مقابلہ غاتیٹی سعودی عرب آن تعلق تخوک آ گوازی گرتے وارخواہی ترسا اوفتا لائخی تے جوان کننگ انگ ءِ۔ او مستی پارینے کہ نن انٹرنیشنل مقابلہ غاتیٹی بیرہ بشخنداری نا خواہندار افن وخت اس کہ نن خوانہ کہ ننا گوازی گرک دنیا نا ایلو ملک آتا گوازی گرتا مقابلہ ٹی سوگو ءُ حریف اسے نا وڑاٹ مون آ بریر۔

Get real time updates directly on you device, subscribe now.

Leave A Reply

Your email address will not be published.