ملخ آتا جلہو آن زہمی 32 ضلع ٹی 9 کروڑ ایکڑ ڈغار نا سروے

اسلام آباد (اے پی پی) وزارت قومی غذائی رکھ و پٹ وپول، محکمہ کشت وکشار و پاکستان آرمی نا اسیجاٹیمک ملک انا چندی ضلع غاتیٹی ملخ آتا برخلاف پبی سروے و کنٹرول آپریشن کننگ ءُ، 32 ضلع غاتا زہمی علاقہ غاتیٹی 1028 اسیجا ٹیم دامہم اٹی بشخ ہلنگ ءُ، داتم اسکان 400504.7اسکوائر کلومیٹر(کم و ود 9.89کروڑ ایکڑ) رقبہ غا سروے و 10545.71اسکوائر کلو میٹر (کم و ود 26.06لکھ ایکڑ) آ کنٹرول آپریشن کننگانے۔ ملخ سروے و کنٹرول آپریشن اٹی 5336آن زیات بندغ و 676گاڈی بشخ ہلکر۔ چارشنبے نادے آ نیشنل لوکسٹ کنٹرول سینٹر نا جاری کروک سرجم حوال آتارداٹ صوبہ پنجاب اٹی تدوک آ 24 گھنٹہ ٹی 250735 ایکڑ آ سروے کننگا۔ سروے ٹی 2554بندغ(بشمول پاک فوج) و 349 گاڈی بشخ ہلکر۔ داتم اسکان مچ آ صوبہ ٹی 2.95کروڑ ایکڑ آ سروے و 1131347ایکڑ آ آپریشن کننگانے۔ صوبہ سندھ اٹی تدوک آ 24 گھنٹہ ٹی 100414ایکڑ آ سروے و 6 ضلع(دادو، شہید بینظیر آباد، نوشیروفیروز، تھرپارکر، سکھر وخیرپور) اٹی ملخ آتا ساڑی مننگ آ 2634ایکڑ اٹ آپریشن کننگا۔ سروے و کنٹرول آپریشن اٹی 627 بندغ (بشمول پاک فوج) و 102 گاڈی بشخ ہلکر۔ مچ آ صوبہ ٹی داتم اسکان 2.05کروڑ ایکڑ آ سروے و 168674ایکڑ آ آپریشن کننگانے۔ صوبہ خیبر پختونخوا ٹی 24 گھنٹہ ٹی 182507ایکڑ آ سروے کننگا۔ سروے ٹی 847بندغ(بشمول پاک فوج) و 106 گاڈی بشخ ہلکر۔ مچ آصوبہ ٹی داتم اسکان 1.53کروڑ ایکڑ آ سروے و 154527ایکڑ آ آپریشن کننگانے۔ صوبہ بلوچستان اٹی 24 گھنٹہ ٹی 216976ایکڑ آ سروے و 26 ضلع(خضدار، آواران، نوشکی، چاغی، اوتھل، کیچ، پنجگور، خاران، واشک، کوئٹہ، ڈیرہ بگٹی، ہرنائی، جھل مگسی، قلات، قلعہ عبداللہ، قلعہ سیف اللہ، کوہلو، لورالائی، مستونگ، موسیٰ خیل، نصیر آباد، پشین، سبی، سوراب، جعفر آباد وزیارت) اٹی ملخ آتا ساڑی مننگ آ 2150ایکڑ آ آپریشن کننگا۔ دا آپریشن اٹی 1308بندغ(بشمول پاک فوج) و 119 گاڈی بشخ ہلکر۔ داتم اسکان مچ آ صوبہ ٹی 3.36 کروڑ ایکڑ آ سروے و 1151303ایکڑ آ آپریشن کننگانے۔