انگلینڈ ویسٹ انڈیز ٹیسٹ‘ ٹاس آن پد کیپٹن آک ردینک اٹ دُو ہلکر
Get real time updates directly on you device, subscribe now.
ایجبیسٹن (مانیٹرنگ ڈیسک) انگلینڈ و ویسٹ انڈیز نا نیام اٹ ایجبیسٹن ٹیسٹ نا اولیکو دے ٹاس آن پد کیپٹن آک ردینک اٹ دو ہلکر۔ انگلینڈ ٹاس ءِ کٹنگ آن پد اولیکو بیٹنگ نا فیصلہ کرے۔ برطانوی پیسر سٹورٹ براڈ 51 ہوم ٹیسٹ میچ آن پد اولیوک وار بینچ آ تولرہ، داکان مست او گڈیکو وار انگلش ہوم سیزن اٹ 2012ء ٹی ویسٹ انڈیز نا برخلاف ایجبیٹسن ٹیسٹ نا بشخ اس الوکہ۔ ایلو کنڈ آ کرونا وائرس کاختی نا سوب آن بند دروازہ غاتا پد آن بیدس شیدائی تا گوازی کروک آ کرکٹ سیریز اٹ خالی اسٹیڈیم اٹ مصنوعی شیدائی تا شور ءِ خلنگک، مصنوعی شیدائی تا شور و میوزک چلیفنگ نا بابت اٹ انگلینڈ و ویسٹ انڈیز کرکٹ بورڈ امنا کرینو۔ بورڈ کمامدار آتا رداٹ مصنوعی شور خلنگ نا مسخت گوازی گرتا حوصلہ ءِ ودفنگ کن مالو نا وڑ ءُ چاگڑد اس تروئی ءِ۔ ہراڑکن مُتکن آ میچ آتا آڈیو تے کاریم اٹ اتنگ کن ایڈٹ کننگ انگ ءِ۔