اُلس نا بنداوی ویل آتا ایسری ءِ اولیت ایتنہ‘ قدوس بزنجو

کوئٹہ :  وزیراعلیٰ بلوچستان میر عبدالقدوس بزنجو پارینے کہ اُلس نا ویل آتا اُلسی ڈٹ جوڑ کننگک و دا ڈٹ آتا کریڈٹ پین کس اسے نا اف، بیرہ اُلس نا ءِ، اُلسی نوعیت نا ڈٹ آتا بنائی دود انا اڈ تننگ وسیلہ وخت و سرکاری مشینری تا اصراف ءِ، ڈٹ آتا بنا نا پبلیسٹی و و فوٹو تیان جوان ءُ اثر اس تمپک۔ وزیر اعلیٰ اہم ءُ گام اس ہرفسا صوبائی وزیر، اسمبلی نا باسک و سرکاری کمامدار آتے سرکاری ڈٹ آتا بنداو و بنائی دود انا اڈ تننگ آن اسہ کنڈ کننگ نا پارت کرینے۔ وزیر اعلیٰ پارینے کہ پاشی آ زیبائی نا جاگہ غا بنداوی ویل آتا ایسری ننا زمواری ءِ۔ نن شونداری کاریم تا بدلہ غاتے اُلس اسکان سر کین۔ شونداری ڈٹ آک اُلس نا حق آک ءُ۔ نن اوفتے آ ہچ ءُ احسان اس کننگ اٹی افن۔

(آن لائن)