سائنس و ٹیکنالوجی تون ہم گام مننگ آن بیدس شون ہلنگ کپنہ‘ملک ولی کاکڑ

تربت : گورنر بلوچستان ملک عبدالولی خان کاکڑ پارینے کہ بڑزکو تعلیمی ادارہ غاتیٹی تعلیمی آب ءِ جوان کننگ و ریسرچ نا کاریم تے جوان کننگ نا گرج ءِ، او پارینے کہ اگہ نن بلوچستان اٹ کل پبلک سیکٹر یونیورسٹی تے تینا وسیلہ غاتے تینٹ ودی کننگ و مالی وڑاٹ تینٹ تینا نت تیا سلنگ نا جوان سجفر۔ تو بروک آ وخت آتیٹی صوبہ نا کل بڑزکو ٰ تعلیمی ادارہ غاتے چلیفنگ سخت مریک۔ ساڑی سائنس اینڈ ٹیکنالوجی آن معلومدار کننگ آن بیدس نن شون ہلنگ کپنہ۔ دا خیال آتا درشانی ءِ او تدوک آ دے یونیورسٹی آف تربت نا دورہ نا وخت آ اکیڈمک اسٹاف آن تران، جاچ ہلوک دیوان نا کماشی و استاد و اسٹوڈنٹ آتون انٹریکشن اٹی ہیت وگپ کرسا کرے۔ او وخت آ وائس چانسلر یونیورسٹی آف تربت پروفیسر ڈاکٹر جان محمد، کمشنر مکران ڈویژن آغا فیصل، پرنسپل سیکرٹری ٹو گورنر بلوچستان عبدالناصر دوتانی آن بیدس یونیورسٹی نا سینئر استاد و انتظامی افسرک ہم ساڑی ئسر۔ داڑان بیدس گورنربلوچستان ملک عبدالولی خان کاکڑ یونیورسٹی آف تربت اٹ ڈیٹا سینٹر و اسہ ہزار کلوواٹ نا سولر پروجیکٹ نا اولیکو مرحلہ نا بنا ءِ کرے۔

(خ ن)