بنجائی حکومت نا سال 2023-24 نا زرگزرانی کارکڑد نا سروے جاری
Get real time updates directly on you device, subscribe now.
اسلام آباد : بنجائی حکومت سال 2023-24 نا زرگزرانی کارکڑد انا بارواٹ قومی اقتصادی سروے ءِ جاری کرینے۔ نوکاپ، کسادبازاری و سخت زرگزرانی فیصلہ غاتا سوب آن اقتصادی ٹارگٹ آک دوئی متوس، اولیکو دہ تو اٹی زرگزرانی شونداری نا شرح 0.29 درسد وخت اس کہ کبینی نا شرح 29.2 درسد مس، مالیاتی خسارہ 7.9 درسد آن ہم زیات مس، کشت و کشار نا بشخ 1.55 درسد نا نا شرح ٹی شون ہلک۔ خدمت نا بشخ انا شرح 0.86 درسد سلیس وخت اس کہ صنعتی بشخ انا شونداری منفی 2.94 درسد سلیس، تحریک انصاف نا دور اٹ قرض 97 درسد ودا، کرنٹ اکاونٹ خسارہ خدو 13 درسد نا مقابلہ ٹی داسہ 3.2 درسد ءِ، یانزدہ تو اٹ درآمدات آتیٹی 29.2 درسد و برآمدات آتیٹی 12.2 درسد کمتی بسنے۔ نوکاپ آن زرگزران ءِ 14.9ارب ڈالر نا نسخان مس۔ کبینی کنٹرول کننگ نا شرح سود اٹ ودکی کروئی تما۔ 90 درسد اسکان ایل سیز تے یلہ کننگا۔ بزغر پیکج نا رداٹ 2ہزار ارب روپئی آن زیات انا منظوری تسنے۔ وزیر زرگزران پارینے سخت انگا اقتصادی فیصلہ کرسا پاکستان نا خاطر تینا سیاست ءِ ندر کرے۔
(آن لائن)