سی پیک نا دہ می سال دے ءِ جولائی ٹی اڈتننگک، وزارت ڈٹ بندی
سی پیک نا سوب آن پاکستان نا پد تموک علاقہ غاتیٹی پیدوار اقتصادی پیش رفت نا جشن ءِ اڈتننگ نا تیاری کننگے
اسلام آباد: جولائی ٹی چین پاکستان اقتصادی راہداری (سی پیک) نا دہ می سال دے ءِ اڈتننگک، سی پیک نا سوب آن پاکستان نا پد تموک علاقہ غاتیٹی پیدوار اقتصادی پیش رفت نا جشن ءِ اڈتننگ نا پارت جاری کننگا۔ دوشنبے نادے آ وزارت ڈٹ بندی، شونداری، اصلاحات و خصوصی گام گیج آن جاری بیان نا رداٹ سی پیک نا دہ می سال دے ءِ اڈتننگ نا پارت آتے بنجائی وزیر احسن اقبال نا کماشی ٹی دیوان اٹی تننگا۔ دیوان اٹی چندی وزارت، ڈویژن، چین اٹی پاکستانی سفارت خانہ، پاکستان اٹی چینی سفارت خانہ نا نمائندگی ءِ کروک آ چندی سرکاری کمامدار و اسٹیک ہولڈر آک بشخ ہلکر و اوفتے سی پیک ڈٹ آتیٹی مروک آ نمان پیش رفت، خاص وڑاٹ اکتوبر 2022اٹی مروک آ 11 می جے سی سی دیوان آن پد و وزیراعظم شہباز شریف نا دورہ ءِ چین آن مروک آ پیش رفت آن معلومدار کننگا۔ وزیر تعلقدار اسٹیک ہولڈر آتے پارت کرے کہ او ڈٹ آتا وخت آ پوروی ءِ پک کننگ کن اسیجائی ورکنگ گروپس(JWGs)نا باقاعدہ دیوان اس اڈ ایتر۔ وزیر وزارت آتے خصوصی اقتصادی زون تیا کاریم ءِ ترند کننگ نا ہم پارت کرے تانکہ کم خڑچ انا پیدوار اتون چینی صنعت آتا پاکستان آ گدریفنگ نا ترغیب تننگ مرے و بروک آ جے سی سی کن پبی ایجنڈااتون سلاہ تے گڈیکو دروشم اس ایتر ہراٹی ہڑتوم آ ملک آک سی پیک اٹی مروک آ دہ سال انا پیش رفت نا جشن ءِ منائفرہ۔
(اے پی پی)