وزیراعظم نا خیبر پختونخوا ٹی نُت انا تنکی نا نوٹس، کمامدارآتے گام گیج کننگ نا پارت
لندن: وزیراعظم محمد شہباز شریف امیر مقام نا کنڈآن خیبرپختونخوا ٹی نُت انا تنکی آ ترفوک آ چکار نا دمدستی نوٹس ءِ ہلسا اونا جاست وپاست و دمدستی وڑاٹ تنکی نا چٹفنگ کن المی گام گیج کننگ نا تعلقدار کمامدارآتے پارت کرے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہباز شریف تون سلاہکار و صدر پاکستان مسلم لیگ (ن) خیبرپختونخوا انجینئر امیرمقام خیبرپختونخوا ٹی نُت انا تنکی نا بارواٹی ازبکستان آن وزیراعظم تون رابطہ کریو وزیراعظم ءِ صوبہ ٹی نُت انا تنکی نا بارواٹی الس اٹی مروک آ گڑتی آن معلومدار کرے ہراڑا وزیراعظم دمدستی ایکشن ہلسا جاست وپاست نا پرمان کرے و دمدستی وڑاٹ تنکی نا چٹفنگ کن کمامدارآتے المی گام گیج کننگ نا پارت جاری کرے۔ وزیراعظم شہباز شریف پارے کہ خیبرپختونخوا تون اوار ایلو صوبہ غاک ہموخس اہمیت تخرہ اخس کہ پنجاب، اوپارے کہ خیبرپختونخوا نا الس نا مشکل ننا مشکل ءِ۔
(اے پی پی)