قومی ادارہ غاتا برخلاف خار تس مہم تینے بچفنگ نا پراگندہ ءُ وڑ اسے، زرداری

0

Get real time updates directly on you device, subscribe now.

کراچی : پاکستان پیپلزپارٹی پارلیمنٹرینز نا صدر آصف علی زرداری، عمران خان نا کنڈ آن قومی ادارہ غاتا برخلاف خارتس مہم چلیفنگ نا ترند انگا لوز آتیٹ مذمت ءِ کرسا دادے پرسجو آن بچنگ کن اسہ پراگندہ ءُ کوشست اس گوندانے۔ تینا ردعمل اٹی مسکوہی صدر آصف علی زرداری پارے کہ الس نا گچین مروک پارلیمنٹ نا کمک اٹ اسہ آئینی عمل اسے نا وڑ اٹ اقتدار آن کشنگ انگ آن پد عمران مزغ چری مسنے، و داسہ قومی ادارہ غاتیا جلہو کننگ اٹی ءِ۔ صدر آصف علی زرداری پارے کہ قومی ادارہ غاتا برخلاف عمران خان نا زاوبد نا پد اٹ کرپشن کیس و فارن فنڈنگ کیس آتا خلیس اودیم ءِ۔ ہرافتیٹی سزا غان بچنگ کن او قومی ادارہ غاتے جھیڑہ ئی کننگ نا کوشست کننگ اٹی ءِ۔ صدر آصف زرداری پارے کہ اقتدار نا جوفہ ٹی عمران نیازی کل کچ آتیان گدرینگسا ہرا دنگ آ سر مسنے، او ملک ءِ اسہ وار ولدا دوبشخ کننگ نا سازش آتیٹی لگوک ءِ۔ اونا پاننگ ئس کہ قومی ادارہ غاتا برخلاف سوشل میڈیا غا ٹرینڈ چلیفنگ آن بیدس عمران نا جند جلسہ غاتیٹی دروغ تڑسا سازشی بیانیہ نا کمک اٹ مخلوق ءِ جوزہ ٹی اتنگ نا کوشست کننگ اٹی ءِ، ہرانا اخس کہ مذمت کننگے کم ءِ۔ او پارے کہ عمران خان کرسی کن خار تالان کرسا نئے بیرہ پاکستان ءِ نسخان رسیفنگ ءِ، بلکن قومی ادارہ غاتے ہم نسخان رسیفنگ انگ ءِ، ہرادے ہچ گہس سگنگ مفک۔ صدر آصف زرداری پارے کہ عمران نا ہندا وڑ تیان گدرینگوک آ پاوکم چار سال اٹی ملک مونی ہننگ نا جاگہ غا پدی ہنا، او ادارہ غاتے بدنام کننگ و اوفتیٹی مری ودی کننگ کن ہرا مہم ءِ چلیفنے او پاکستان نا سلامتی کن گڑتی و فریشانی نا سوب ءِ۔ و اونا فائدہ ملک دشمن آتے رسینگک۔ او پارے کہ پاک فوج نئے بیرہ پاکستان نا سیم تا رکھ ءِ کیک، بلکن آئین و جمہوریت نا رکھ انا زمواری ہم اوڑاٹے۔ گڑا اودے سیاست اٹ گرنگ و جھیڑہ ئی جوڑ کننگ نا کوشست ملک اتون کھلواڑ اسے نا مترادف ءِ۔ او پارے کہ اقتدار آن کشنگ آن پد ہڑی مرسا عمران نئے بیرہ فوج ءِ ونڈ کننگ نا سازش کننگ اٹی ءِ، بلکہ او آئین ءِ لتاڑ کننگ نا رند اٹ تمانے۔ او دا ہم پارے کہ ایلوفتے غداری نا شغام خلوک آ عمران نیازی نا جند میر جعفر و میر صادق نا کڑد ءِ ادا کرسا پاکستان نا سلامتی ءِ گہو کننگ نا بے سہب کوشست کننگ اٹ لگوک ءِ، ہرانا پد بھاز خراب مریک۔

(آن لائن)

Get real time updates directly on you device, subscribe now.

Leave A Reply

Your email address will not be published.