قومی شرف نا رکھ اکن پاکستان نا مخ تفی ءِ برجا تخنہ، چینی وزیر خارجہ

0

Get real time updates directly on you device, subscribe now.

بیجنگ : چین انا ریاستی کونسلر و وزیر خارجہ وانگ ای بلاول بھٹو زرداریءِ پاکستان نا پوسکن آ وزیرخارجہ جوڑ مننگ آ مبارکبادی تسنے‘ دوشنبے نا دے چینی میڈیا نا رد اٹ وانگ ای پارے کہ چین مدام پاکستان ءِ ہمسائے سفارت کاری ٹی اولیت ترسا کرینے‘ تینا اقتدار اعلی، سلامتی و قومی وقار نا رکھ اکن پاکستان ناکوشست آتا پبی وڑ اٹ مخ تفی ءِ برجا تخنہ‘ پاکستان اٹ سیوت و شونہالی کن مخ تفی کرسا کیک و جہانی و علاقائی امور تے ٹی پین اہم کرڈار ادا کننگ کن پاکستان تون پبی کمک کیک‘ چین و پاکستان ہر چار آ موسم تا بے مٹ آ اسٹریٹیجک شریدار ءُ‘ ہڑتوم آملک آتاراہشون تا کماشی و ہڑتوم آ مل آتا الس نا پبی مخ تفی آن چین پاک سنگتی جہانی بدلی تا آزمائش آتیان گدرینگانو و مدام اسہ مش اسے آنبار سوگو مسنو بلکہ دانا سوگوی ٹی ودکی مننگ اٹی ءِ۔ چین پاک فولادی سنگتی ہڑتوم آ ملک آتیکن کل آن نہادی اسٹریٹجک میرات جوڑ مسنے۔ وانگ ای پارے کہ ساڑی دور اٹ کرن انا بھلا بدلی و دینی حالیت آتا رد اٹ یوکرین تنکی ہم زہمی کننگ اٹی ءِ‘ جہانی امن وشونداری ءِ بے ایمنی و غیریقینی حالیت مونتروک ءِ‘ چین پاک تعلقداری تا اسٹریٹیجک اہمیت پین نمان مننگ اٹی ءِ‘ جہانی حالیت آتے ٹی چاہے انت کہ بدلی مرے چین مدام پاکستان ءِ ہمسائے سفارت کاری ٹی اولیت ترسا کیک۔

(آن لائن)

Get real time updates directly on you device, subscribe now.

Leave A Reply

Your email address will not be published.