دفاعی ادارہ و عدلیہ نا برخلاف تران تا نوٹس ہلنگ المی ءِ، شہباز شریف

0

Get real time updates directly on you device, subscribe now.

اسلام آباد : قومی اسمبلی نادیوان اٹ وزیراعظم میاں شہباز شریف پاکستان اٹ لوڈشیڈنگ نا چٹفنگ نا مستائی ہلسا پارینے کہ گیس ہلنگ نا معاہدہ زوت مریک‘ وخت اسکہ بند انگا بجلی گھرآتا مینٹیننس برجاءِ و زوت لوڈشیڈنگ نا مون ءِ توننگک‘ مسکوہی حکومت نا وخت آ تیل و گیس ہلپننگ ناسوب آن ملک اٹ توانائی ناتنکی ودی مسنے‘ وزیراعظم تدوک آدے ایبٹ آباد جلسہ ٹی عمران خان نا توہین کروک تران آ سختی اٹ ہیت وگپ کرساپارے کہ عمران خان دَرو ہرا ہیت آتے کرتے او بھازخطرناک ءُ‘ نواب سراج الدولہ نا سپہ سالار نا ہیت ءِ کرسا عمران خان ادارہ غاتے براہ راست شست کرے۔ ملک ءِ بشخ وپانٹ کننگ انگ ءِ‘ ملک انا رکھی ادارہ و عدلیہ نا برخلاف تران تا نوٹس ہلنگ المی مسنے‘ عمران خان ملک ءِ بشخ وپانٹ کننگ نا کوشست کننگ اٹی ءِ۔ حوال نا رد اٹ تدوک آ دے اسپیکر قومی اسمبلی راجہ پرویز اشرف ناکماشی ٹی دیوان گھنٹہ اس ہُرے آ بنا کرے تو وزیراعظم پاکستان میاں شہباز شریف ہم قومی اسمبلی نا 42 می دیوان اٹ بشخ ہلنگ کن سر مس‘دیوان اٹ سوج آتا وقفہ نا وخت آ تحریک انصاف نا قومی اسمبلی نا باسک نور عالم بجلی نا پارے کہ لوڈشیڈنگ ناچٹفنگ نابابت وزیراعظم پاکستان ناپرمان آن پد ہم لوڈشیڈنگ اٹ کمتی متنے‘ وزیر خزانہ مفتاح اسماعیل داسکان دیوان اٹ سر متنے‘ ایوان ءِ پاننگے کہ سوب انت ءِ کہ کبینی ءِ توننگ مفننگ انگ ءِ‘ اسہ بندغ اس ملک اٹ بے چیٹی ودی کرسا ملک ءِ نزور کننگ اٹی ءِ‘ وزیراعظم شہبازشریف نا ایوان اٹ تران یکم مئی آن پد لوڈشیڈنگ اٹ کمتی مسنے ای امنا کیوہ‘ لوڈشیڈنگ پورو وڑ اٹ چٹنے‘ بجلی نا لوڈشیڈنگ ناسوب آن تدوک آ حکومت نا کنڈآن بجلی ودی کروک کارخانہ غاتے یخ اٹ جوڑ کننگتو‘ دا حکومت گیس انا پوسکن ءُ معاہدہ کرینے‘ چیئرمین پی ٹی آئی ہرا ہیت آتے درو کرے او بھاز خطرناک ءُ‘ چیئرمین پی ٹی آئی ملک اٹ الس نا ذہن تے خراب کننگ اٹی ءِ‘ اسہ دھڑکو سے بنداو جوڑ کرسا سازش گودنگ انگ ءِ‘ دھڑکو تو ہنری کسنجر بھٹو ءِ ہم تسوسس دھڑکو تو پرویزمشرف ءِ ہم نائن الیون آن پدتننگاسس گڑا دا کل سازش ئسر‘ دھڑکو تا تاریخ بھاز بھلن ءِ‘ دھڑکو آن سازش ہراکان پیش تما‘ دَرو عمران نیازی نواب سراج الدولہ تون غداری کروک ہرا مثال ءِ ننا قومی ادارہ نابارو اٹ تس او بھاز خطرناک ءِ‘ہندا ادارہ ہراتم نے چناغانبار ولے تو جوان ئس‘ جھرلو و دھاندلی نا پیداوار آن ملک انا آئینی وڑاٹ جان ءِ خلاس کرین‘ مسکوہی حکومت نا نابودی ناسوب آن فریشانی مون تروک ءُ‘ مسکوہی حکومت نئے وخت آ گیس خواہفے و نئے تیل ہلک‘ ہراتم گیس مسہ ڈالر نا حساب اٹ رسینگاکہ تو وخت آ خواہفپننگ ناسوب آن ارب آ روپئی تا نسخان مسنے‘ بجلی گھر تے جوڑ جاڑ کرفنگتو و وخت آ جوڑ جاڑ مفننگ ناسوب آن لوڈشیڈنگ مننگ اٹی ءِ‘ وزیراعظم پارے کہ نن گیس ہلنگ نا کاریم نا بناءِ کرینن۔

(آن لائن)

Get real time updates directly on you device, subscribe now.

Leave A Reply

Your email address will not be published.