نیاڑیک پاکستان نا شونداری ٹی بنداوی کڑد ادا کیرہ، وزیر اعظم
حکومتِ پاکستان نیاڑی تے انصاف اٹ حق آتا فراوانی کن مدام کوشست کرسا ہنانے، نیاڑی تا دے آ کلہو
Get real time updates directly on you device, subscribe now.
اسلام آباد : وزیرِاعظم شہباز شریف پارینے کہ راج انا شونداری نیاڑی تا کڑدار آن بیدس پورو مننگ کپک‘ نیاڑیک ہر دروشم اٹ راج ءِ کاریمی جوڑ کننگ کن کاریم کننگ آ خننگک‘ نیاڑی تا جہانی دے آ تینا کلہو اٹ وزیراعظم پارے کہ پاکستان تون اوار مچ آدنیا ٹی نیاڑی تے اوفتا جہانی دے آ مبارکبادی ایتوہ‘ نیاڑی تا راج اٹ کڑدار و انسانی تہذیب ناارتقاء ٹی اوفتا خذمت آتے امنا کننگ نا دے ءِ۔ شہباز شریف پارے کہ لمہ اسہ انسان اسے کیہی تُو اسکان تینا پڈ اٹ تخسا ودی کیک‘ نیاڑی ایڑھ انا دروشم اٹ ایلوفتے شرف تننگ ءِ ہیل ایتک‘نیاڑی مسڑ نا دروشم اٹ انسان نا ہنکین ءِ زیبا کیک۔ وزیراعظم محمد شہباز شریف راج اٹی زالبول آتا شاندار کڑد آ اوفتے خراج تحسین پیش کرسا پارے کہ انسانی حق و چاگڑدی بدلی نا بابت سرگرم کارندہ عائشہ صدیقہ کون آ ورناآ پاکستانی مسنک ملک انا روشنا آخبت کن اومیت نا روشنائی ءُ۔ چارشنبے نادے آ زالبول آتا جہانی دے انا وخت آ تینا ٹویٹ اٹی وزیراعظم پارے کہ عائشہ صدیقہ تینا لائخی تا کمک اٹ دنیا ءِ اسہ جوان ءُ جاگہ اس جوڑ کننگ کن کوشست کننگ اٹی ءِ۔ وزیراعظم پارے کہ تینا جہد نا کمک اٹ راج اٹی متحرک و فعال کڑد ادا کروک آ زالبول آک اومیت نا کرن و روشناآخبت نا روشنائیک ءُ۔ یات سلے کہ 24 سال انا عائشہ صدیقہ نا خذمت آتا اعتراف اٹی ٹائم میگزین اودے”برجاسال انا زالبول“ گوندانے۔
(آن لائن/ اے پی پی)