عمران ءِ بھاز ریلیف ملا،13 مارچ آن پد ملپک تے،رانا ثناء

اسلام آباد : بنجائی وزیر داخلہ رانا ثناء اللہ خان پارینے کہ ٹیرن وائیٹ، فارن فنڈنگ، توشہ خانہ کیس آتیٹی عمران خان ءِ بھاز ریلیف ملانے، داسہ او تینا ایسر آ سرمسنے، 13 مارچ آن پد ہچ ءُ گنجائشت اس نظر بفننگ ءِ، اگہ عمران خان سیاسی سرجزآتے کن فٹ ءِ تو عدالت آتیٹی ہم بایدے حاضر مرے، ساڑی آنظام اٹی اسٹ اس ہم دُن ءُ اف ہرا عمران خان نا دزگیری ءِ تورے، تدوک آ سماعت آ عمران خان عدالت آ ہرا وڑ جلہو کرینے اوڑان او بے پڑدہ مسنے، عمران خان نا لاہور برگر مارچ آ سیکورٹی ایجنسی تاگڑتی تیا نگران صوبائی حکومت دفعہ 144 نافذ کرے۔ او چارشنبے نادے آ پی ٹی وی ہیڈ کوارٹر اٹی پریس کانفرنس آن تران کریکہ۔ بنجائی وزیر داخلہ رانا ثناء اللہ خان پارے کہ اینو اسہ ہندن ءُ دے اسے ہراٹی چندی سرجزآک مننگ ءُ، زالبول آتا بابت اہم ءُ دے اسے، اینو نادے اِرا وڑنا سرجزمریک، اینو لاہور و اسلام آباد اٹی عورت مارچ نا سرجز آک ءُ، و اودے کاؤنٹر کننگ کن حیا مارچ مننگ ءِ داڑتون اوار عمرانی فتنہ برگرمارچ ءِ ہم تخانے، داوڑنا حالیت آتیٹی واقعہ نا واقعہ اس مننگ کیک انتئے کہ فتنہ مارچ اٹی ہراوڑنا زموار آک مریرہ داڑان گڑاس وخت اوفتا جلسہ غاتیٹی خراب حالیت آتون مون تروئی تمنگ ءِ، داوڑنا حالیت آتیٹی دا ہی زموار آک ناخوشگواری نا سوب جوڑ مننگ کیرہ، انجنسی تا رپورٹ آ نگران صوبائی حکومت دفعہ 144 نافذ کرینے، اوپارے کہ حکومت پنجاب برگرمارچ والاتے پاریسس کہ تینا روٹ ءِ ایتر و جاگہ نا پار ولے عمرانی ٹولہ اسہ رول اسے ہم خاطر اٹ اتپک، ہرانا سوب آن حکومت پنجاب دفعہ 144 نافذ کننگ جوان تکا۔ اوپارے کہ اسہ کنڈا 70 سال وئی، ایلو کنڈا نت آ پلستر ءِ، ہِننگ کپک، سیاسی سرجزآتیکن سہی ءِ ولے عدالت آتیٹی پیشی آن قاصر ءِ، عمران خان ءِ تینا اولاد، توشہ خانہ، فرح گوگی نا کرپشن نا ورندی ءِ تو تروئی تمک۔ اوپارے کہ عمران خان نا تینا عمل تو مدینہ نا ریاست آن چپ ءِ، داپائے کہ او ہراڑے مدینہ نا ریاست اس جوڑ کننگ خوائسکہ؟ وزیرداخلہ رانا ثناء اللہ خان پارے کہ عمران خان تون ہرمسٹ آ ہائی پروفائل کیس آتیٹی پیش مرسا دفاع نا پوزیشن ہم اف، داسہ مچ آ بہانہ و ریلیف تننگ نا غٹ تر عندیہ چٹانے۔ وپارے کہ عمران خان نا کیس آتیٹی بے کنڈ ہلنگ بایدے نظر برے، انصاف غٹ اکن بریبر مرے۔ اوپارے کہ ننا بھاز انگا ہندن ءُ کیس ئسر ہرافتیا ازخود نوٹس جوڑ مسکہ ولے متو ایلو کنڈا خف اٹی خوارش اس ہم مرے تو ازخود نوٹس جوڑ مریک۔

(اے پی پی)