مریم نواز نا ریٹائرڈ جنرل فیض حمید نا کورٹ مارشل نا خواست

مسکوہی ڈی جی آئی ایس آئی ءِ نشانِ عبرت جوڑ کننگے، تاکہ داکان پد کس اٹ دن ءُ جیرت اس مف

0

Get real time updates directly on you device, subscribe now.

اسلام آباد : مسلم لیگ (ن) نا سینئر نائب صدر مریم نواز شریف مسکوہی ڈی جی آئی ایس آئی لیفٹیننٹ جنرل (ریٹائرڈ) فیض حمید نا کورٹ مارشل کننگ نا خواست کرسا پارینے کہ غیرآئینی کڑدار ادا کننگ آ مسکوہی ڈی جی آئی ایس آئی فیض حمید ءِ عبرت نانشان جوڑ کننگے تاکہ داکان پد کس ءِ دا وڑ انا جیرت مف‘ تینا انٹرویو ٹی مریم نواز پارے کہ فیض حمید 2 سال مسلم لیگ (ن) نا حکومت ءِ چٹفنگ و چار سال عمران حکومت نا مخ تفی ءِ کرسا ملک ءِ بھس کننگ اٹ کڑدار ادا کرے‘ ہندا سوب آن مسکوہی ڈی جی آئی ایس آئی لیفٹیننٹ جنرل (ریٹائرڈ) فیض حمید نا کورٹ مارشل کننگے۔ مریم نواز پارے کہ غیر آئینی کڑدار آ مسکوہی ڈی جی آئی ایس آئی فیض حمید ءِ عبرت نا نشان کننگے تاکہ آخبت اٹ کس ءِ دا وڑ انا جیرت مف۔ اوپارے کہ ”ہائبرڈ نظام“ اتوک آتے کل آن بھلا سزا ”وونٹ ءِ شرف تننگے“ نا دروشم اٹ السی آگہی مہم آن رسینگانے و ای سرپند مریوہ کہ دا بھاز جوان ءُ ہیت اسے کہ نوازشریف صاحب قربانی تس۔ مریم نواز پارے کہ نواز شریف صاحب بھاز گچین وڑ اٹ مخلوق ءِ دا باور کرفے کہ کل گڑاک تینا آئینی کڑدار اٹ جوان خننگرہ ہر کس آئینی کڑدار آن پیشن گڑاس کرے تو اودے حساب تروئی مریک۔ اوپارے کہ ای غیرآئینی کڑدار ادا کروک آتیا تنقید تو کیوہ تو ولے ادارہ سے شست کننگ نا مخ تفی ءِ کپرہ۔ کنا خیال دادے کہ ادارہ غاک ہم ہمو کل بندغ آتے سزا ایتر و اوفتیان حساب ہلیر ہرا ادارہ غاتا بدنامی ناسوب مریرہ‘ دا عمل آن ادارہ غاتا تینا جند انا شرف و تکریم ودک و داڑان اوفتا نیک نامی مریک۔ تینا انٹرویو ٹی مریم نواز مسکوہی چیف جسٹس ثاقب نثار ءِ ہم قوم انا کل آن بھلا ڈوہدار گوندا۔

(آن لائن)

Get real time updates directly on you device, subscribe now.

Leave A Reply

Your email address will not be published.