بنجائی حکومت نا کنڈ آن پیٹرول و ہائی اسپیڈ ڈیزل نا نہاد آتیٹی ودکی نا پڑو
Get real time updates directly on you device, subscribe now.
بنجائی حکومت نا کنڈ آن پیٹرول و ہائی اسپیڈ ڈیزل نا نہاد آتیٹی پین ودکی نا باقاعدہ پڑو کننگانے، ہرا نا رِد اٹی پیٹرول و ڈیزل نا نہاد آتیٹی بھلو ودکی اس مون آ بسنے۔ جاری مروک آ نوٹیفکیشن نا رِد اٹی پیٹرول نا فی لیٹر نہاد اٹی 12 روپئی 90 پیسہ نا ودکی کننگانے، ہراڑان پد پیٹرول نا پوسکن آ نہاد 358 روپئی77 پیسہ فی لیٹر مقرر کننگا۔ایلو کنڈ آ ہائی اسپیڈ ڈیزل نا نہاد اٹی ہم اضافہ کننگانے۔ نوٹیفکیشن نا رِد اٹی ڈیزل نا نہاد اٹی فی لیٹر 3 روپئی 72 پیسہ نا ودکی کننگانے، ہراڑان پد ڈیزل نا پوسکن آ نہاد 381 روپے 77 پیسے فی لیٹر مقرر کننگانے۔ پیٹرولیم مصنوعات نا دا پوسکن آ نہاد آک دمدستی وڑ اٹ لاگو مریرہ۔