کورونا دَین نا سوب آن کیہی زرگزرانی و راجی ویل آک ودی مسر‘عارف علوی
Get real time updates directly on you device, subscribe now.
اسلام آباد(آن ائن )صدر مملکت ڈاکٹر عارف علوی تون پرائیویٹ ءُ ٹیلی کام کمپنی نا سی ای او اوڑدہی کرینے۔ کمپنی نا کماش صدر مملکت ءِ 6 کروڑ روپئی نا کمکی چیک اس پیش کرے۔ پیسہ غاتے ہلال احمر سوسائٹی نا کورونا وائرس نا سوب آن کروک آ کمکی گام گیج آتیکن کاریم اٹ اتنگرہ۔ صدر مملکت غریب آ خاہوت آتا کمک و ہلال احمر نا کمک آ کمپنی نا منتواری ءِ ہرفے۔ صدر پارینے کہ راج انا شونہال آ تپہ غریب آ تپہ نا کمک کن حکومت نا کروک آ گام گیج آتیٹی بشخ ہلے۔ کورونا دَین نا سوب آن کیہی معاشی و راجی ویل آک ودی مسر، دا ویل آتا توننگ کن راج انا کل تپہ غاتے اواری ٹی کوشست کروئی مریک۔