لائن آف کنٹرول نا بٹل سیکٹر اٹ بھارتی فوج نا سم کاری آن 20سال نا مسڑ اس ٹھپی

0

Get real time updates directly on you device, subscribe now.

 تتہ پانی( آن لائن )لائن آف کنٹرول آ بٹل سیکٹر اٹ بھارتی فوج سم کاری و گولہ باری ءِ تینا ہڑدے نا کاریم تکا، اونا سم کاری آن 20سال نا مسڑ اس ٹھپی مس، وخت اس کہ پاک فوج نا جوان کارروائی دشمن نا سم کاری سلیس، حوال نا رداٹ لائن آف کنٹرول آ جتاجتا سیکٹر آتیٹی بھارتی فوج نا خلاف ورزیک برجا ءُ۔ خاص کر بٹل سیکٹر اٹ بھارتی فوج سم کاری و گولہ باری ءِ تینا ہڑدے نا کاریم تکانے۔ تدوک آ ننکان بھارتی فوج نا کنڈآن ایل اوسی نا بٹل سیکٹر نا سویلین آبادی نا علاقہ غاتیٹی سم کاری و گولہ باری کننگا، ہرانا رداٹ بٹل کلہ نا رہنگوک ءُ اسہ 20سال نا مسڑھ اس علیزہ اعجاز دختر سردار اعجازخان نَت اٹ شیل اس لگنگ آن ٹھپی مس ہرادے بنائی کمک تننگ کن زوت اس خڑک انا جانجوڑی ہند آ سر کننگا۔ ایلو کنڈآ بھارتی فوج نا سم کاری و گولہ باری نا سوب آن اُلس ءِ بھاز آ ویل آتون مون تروئی تمنگ ءِ، اُلس سخت انگا باسنی و حبس اٹ تینا اُراتیٹی نن تے گدریفنگ آ مجبور ءُ، ہندا سویلین علاقہ غاتیٹی خلیس اس تالان ءِ، پاک فوج نا کنڈآن جوان کارروائی کننگ انگ ءِ۔

Get real time updates directly on you device, subscribe now.

Leave A Reply

Your email address will not be published.