پنجگور نا شریف آ شاری تے فریشان کننگ ناکوشست کننگ انگ ءِ‘بی این پی عوامی

پنجگور (آن لائن) بلوچستان نیشنل پارٹی عوامی نا ضلعی ترجمان پارینے کہ رزاکا و سجفوک ءُ ڈٹ اسے نارد اٹ پنجگور نا شریف آ شاری تے فریشان کننگ ناکوشست کننگ انگ ءِ‘ ولے تاریخ شاہد ءِ کہ غیرروایتی عمل‘ ناروا ڈٹ بندی کروک آک مدام بے سہب مسنو‘ پنجگور نا شریف آشاری محمد عارف بلوچ بابو الطاف بلوچ نا اُراغا ننکان سم کاری‘ چناتے نیاڑی تے خلیفنگ ءِ مہذب راج اٹ کس اس قبول کپک۔ بی این پی عوامی دانا مذمت ءِ کیک۔ اوپارے کہ اسہ پڑک اس تینا بھلا تا پاننگ آ ننکان سم کاری کرسا بندغ آتے فریشان کننگ اٹی ءِ‘ اوفتے نن جوان چانہ‘ پنجگور نا چنا چنا اسٹ ایلوءِ درست کیرہ‘ امن وایمنی ءِ خراب کروک آک ہندا جاگہ نا منہ سازش کروک ءُ ہرافک تینے ڈکنگ کپسہ۔ او پارے کہ بی این پی عوامی پنجگور نا الس نا جان ومال انا رکھ و اوفتا غٹ ویل آتے ایسر کننگ کن جہد کننگ اٹی ءِ۔