بلوچستان حکومت ءِ ٹیوٹر و واٹس ایپ گروپ آتا کمک اٹ چلیفنگ نا کوشست کننگ انگ ءِ‘ملک سکندر ایڈووکیٹ
Get real time updates directly on you device, subscribe now.
تمبو (آن لائن) اپوزیشن لیڈربلوچستان اسمبلی وجمعیت علماءاسلام نا صوبائی جنرل سیکرٹری ملک سکندر ایڈوکیٹ پارینے کہ جام حکومت نا کارکڑد زیروءِ‘ بیرہ اخبار و کاغد آتے ٹی ہیت کننگک‘ ہر محاذ آ جام حکومت تون مون تننگ اٹی ان‘ صوبائی حکومت صوبہ والس نا مخلص اف‘ صوبہ بلوچستان ءِ عملی وڑ اٹ آخا بلکہ ٹیوٹر و واٹس ایپ گروپ آتا کمک اٹ چلیفنگ نا کوشست کننگ انگ ءِ۔ ننا کوشست کننگ اٹی ان کہ صوبہ غان کرپشن ءِ چٹفسا الس نا ویل آتے ایسر کننگے‘ 70سال انا حکمرانی نا وڑ ءِ بدل کننگ اٹ وخت لگک‘ صوبائی حکومت صوبہ ٹی شونداری و پسماندگی ءِ چٹفنگ نا بھلو دعویٰ کیک ولے داڑان چَپ بلوچستان نا گرین بیلٹ دیر مفننگ آن بھس مننگ اٹی ءِ۔ دا خیال آتا درشانی ءِ او نصیرآباد نا سینئر صحافی ایوب کھوسو تون ٹیل فون آ ہیت وگپ کرسا کرے۔