ہرنائی سروتی رکھی بند انا ویل اینوناس اف‘قوم ومذہب پرست آک غوغا کپس‘حاجی نورمحمددمڑ
Get real time updates directly on you device, subscribe now.
ہرنائی (آن لائن) بی اے پی نا راہشون صوبائی وزیر پی ایچ ای، واسا حاجی نورمحمد خان دمڑ پارینے کہ ہرنائی سروتی رکھی بند انا ویل اینوناس اف بلکہ کیہی دہائی تیان دا ویل ہرنائی نا الس ءِ مون تروک ئ‘ پن انا و مسترد مروک قوم پرست و مذہبی جماعت آک حلقہ غا کیہی وار حکومت کریر تو اوفتے تینا دور حکومت اٹ سروتی رکھی بند ءِ جوڑ کننگ نا خیال انتئے بتو ولے نن تدوک آ اِرا سال اٹ ضلع ہرنائی نا اہم و الس نا جم فائدہ غاتیکن ہرا کاریم تے کرینن داخس چل سال اٹ قوم پرست و مذہبی جماعت آک کتنو‘ سروتی رکھی بند اکن ہلہلہ ئی بنداو آ 15 دے اٹ محکمہ ایری گیشن نا پی سی ون نا رد اٹ دَہ کروڑ روپئی آن زیات وزیراعلیٰ بلوچستان آن منظور کرفسا ریلیز و ٹینڈر مسنے زوت سروتی رکھی انا تعمیر نا کاریم پورو مریک‘ پِر ونوکاپ تو قدرت ناکنڈآن ءُ ننے اوفتتون صبر اٹ مون تروئی ءِ‘ ہرنائی ٹی ہفتہ ویک شنبے آ پِر و نوکاپ آن ہرا نسخان مسنے اوفتے پورو کننگک‘ زہمی تیکن پی ڈی ایم اے ناکنڈآن کمکی گڑاک ہرنائی آ سر مسنو ہرافتے حقی آ زہمی تے ٹی بشخنہ۔