فارن فنڈڈ ایجنٹ ءِ سی پیک آن است ہلیک، مریم اورنگزیب

اسلام آباد : حوالکاری نا وزیر مریم اورنگزیب پارینے کہ انشاء اللہ گچین کاریک مریرہ ولے نی ہچ سلیکٹ مننگ کپروس انتئے کہ نئے فیض‘ نئے کھوسہ‘ نئے ثاقب نثار و نئے باجوہ ارے‘ سڑک آتیا آخا عدلت آ ہن۔ وزیر خارجہ بلاول بھٹو نا بھارتی وزیر خارجہ ءِ ورندی تننگ آن پد عمران خان پورو گنوک مسنے۔ عمران خان نا بیان آ ردعمل ترسا حوالکاری وزیر پارے کہ فارن ایجنٹ نا بیان آن ہندن لگک کہ فارن ایجنٹ وزیراعظم شہباز شریف نا برطانوی بادشاہ تون فوٹو ءِ خنانے‘ ملک انا ویل آایسری داٹی ءِ کہ نی جیل آ ہن و ملک انا برخلاف سازش‘ دروغ و دزی تیا نے سزا مرے، نا شر، زہر، غلیظ ذہنیت، راج اٹ بے سگی و بیدادی ودی کننگ اٹی ءِ‘ اوپارے کہ ملک ءِ نے آنبار انگا فراڈ، فتنہ، پھساد، بے چیٹی آخا‘ ارغ‘ روزگار و کاروبار نا گرج ءِ‘ ملک اٹ انتہا پسندانہ رویہ غاتا سوب نی اُس ہرانا سوب آن اینو ٹولی تا دو اٹ مخلوق کسفنگ انگ ءِ، ہندوستان، وخت اس کشمیر، وخت اس اسلام آ پراگندہ سیاست کرسا بسونُس و اینو ہم کننگ اٹی اُس۔ مودی نا سرسہبی کن دعا کروک آنا ہیت آتے خف توبو؟ بے شرم فارن ایجنٹ فتنہ،پھساد و بے چیٹی نا کال ءِ بیرہ چین نا وزیرِ خارجہ ءِ خننگ آن پد تننگ تسنے۔ فارن ایجنٹ فتنہ، پھساد و بے چیٹی نا کال ءِ بیرہ شہباز شریف نا بادشاہ چارلس تون ویڈیو ءِ خننگ آن پد تسنے۔ سی پیک آ کاریم نا تیز مننگ تون فارن فنڈڈ ایجنٹ گنوک مس۔ حوالکاری وزیر پارے کہ وزیر خارجہ بلاول بھٹو نا سرسہب دورہ بھارت و بھارتی وزیرخارجہ ءِ ورندی آن پد عمران خان گنوک مسنے۔ وزیراعظم شہباز شریف برطانیہ نا بادشاہ تون اوار جہانی راہشون تتون اوڑدہی کننگ اٹی ءِ۔ مریم اورنگزیب پارے کہ شہباز شریف انت کننگ اٹی ءِ نی اوفتے ہننگ کپیسہ انتئے کہ نی کاٹم آ مون ءُ بالٹی اس بینانُس‘ ملک اٹ بے سگی ءِ تالان کروک آنا سوب آن اینو پاکستان اٹ ٹولیک خونی جوڑ مسنو‘ نی 2013 غان برانز و سڑک آتیاٹس و ہوغنگ اٹی اُس‘آخبت اٹ ہم ہندا وڑ ہوغسہ وپٹسہ کاسہ۔ انشاء اللہ گچین کاریک مریرہ ولے نی اسُل سلیکٹ مننگ کپیسہ انتئے کہ داسہ نئے فیض ءِ، نئے کھوسہ، نئے ثاقب نثار و نئے باجوہ ارے‘ سڑک آتیا آخا عدالت آ ہن۔

(آن لائن)