دزگیریک و جیل انا بیداد آک نظریہ غاتے کسفنگ کپسہ، عمران خان
فسطائیک تینا چم بازی اٹ کانود نا حکمرانی و حقیقی آجوئی نا ننا تحریک ءِ پین سیبو تننگ اٹی ءُ، ٹویٹ
Get real time updates directly on you device, subscribe now.
لاہور: چیئرمین پاکستان تحریک انصاف ومسکوہی وزیراعظم عمران خان پارینے کہ جیل دزگیری‘ بیداد آک نظریہ غاتے کسفنگ کپسہ‘ تینا اسہ ٹوئٹ اسے ٹی عمران خان علی امین گنڈاپور نا ڈیرہ اسماعیل خان اٹ شاندار بخیری ریلی نا ویڈیو ءِ شیئر کرسانوشتہ کرے کہ ڈیرہ اسماعیل خان اٹ 75 بخیری ہند آتتون اوار علی امین نا ریلی بھاز بھلن ئس‘ ہراٹی ساڑی مخلوق 20کلومیٹر اسکان اونا گاڈی تون اوار پیادہ ہناکہ۔ پی ٹی آئی نا چیئرمین مستی پارے کہ جیل‘ دزگیری و بیداد آک نظریہ غاتے کسفنگ کپسہ۔فسطائیک تینا چم بازی نا سوب آن کانود نا حکمرانی و حقی آجوئی نا ننا تحریک پین سوگو مننگ اٹی ءِ۔ داکان بیدس چیئرمین تحریک انصاف عمران خان تون کینیڈا نا اپوزیشن پارٹی نا لیڈر پیٹرک بران زمان پارک اٹ اوڑدہی کرے‘ اوڑدہی ناوخت آ پاکستان اٹ سیاسی حالیت و زرگزرانی پالیسی تابابت گپ وتران کننگا۔ عمران خان ہیت وگپ کرساپارے کہ پاکستان اٹ کل ویل آتا ایسر پاکستان اٹ زوت گچین کاری کرفنگ ءِ۔ عمران خان نے پارے کہ ملک ءِ فلاحی ءُ ریاست اس جوڑ کننگ خوانہ‘ ہراڑے کل اکن اسہ وڑ انا کانود مرے‘ حکمران آک گچین کاری تیان خلنگ اٹی ءُ‘ گچین کاری تا کسر ءِ توننگ کن حکمرانک آئین شکنی نا کسر ءِ تینائی کننگ ءُ‘ اوڑدہی ناوخت آ کینیڈا غان تحریک انصاف ناراہشون عامر خان، چوہدری ظفر، اشفاق احمد، میاں عدنان، مدثر مچانہ، سینیٹر فیصل جاوید ہم ساڑی ئس۔
(آن لائن)