مردان واقعہ “مذہبی ٹچ” نا بھرم ءِ،،احسن اقبال

اسلام آباد : بنجائی ڈٹ بندی و خصوصی گام گیج احسن اقبال پارے کہ عمران خان ہرا وڑ اٹ و بے کچ مذہب کارڈ ءِ کاریم اٹ ایس‘ا ونا بھرم مون آ بننگ اٹی ءِ‘ تینٹ اونا قبیلہ ٹی مردان نا واقعہ ہمو “مذہبی ٹچ” انا پد ءِ‘ تدوک آ دے راجی رابطہ نا ویب سائٹ ٹویٹر آ جاری کروک تینا کلہو اٹ بنجائی وزیر پارے کہ عمران نیازی واونا ہندی راہشونک کنا برخلاف ہم پبی وڑ اٹ مذہبی کارڈ گوازی کریر ہرانا پد کنے آ خونی جلہو مس۔ عمران نیازی زرگزران و سیاست ءِ تو بھس کرے راج ءِ ہم جنونیت و بے سگی نا گواچی کرینے۔ یات سلے کہ اِرا دے مست پاکستان تحریک انصاف نا چیف جسٹس آف پاکستان تون یکجہتی نا درشانی کن اڈ تروک ریلی ٹی اوار اسہ بندغ اسے مردان اٹ مذہب نا توہین کننگ نا کسفنگاسس۔

(آن لائن)