امریکہ، ٹیکساس نا شاپنگ مال اسے ٹی سم کاری آن 9 بندغ زوال
Get real time updates directly on you device, subscribe now.
ٹیکساس : امریکی ریاست ٹیکساس نا شار الین نا شاپنگ مال اٹ سم کاری آن 9 بندغ زوال مسر‘ درملکی میڈیا نا رد اٹ ڈیلس ناکیبی شار اٹ یش بروک دا واقعہ ٹی بنائی وڑ اٹ مسہ بندغ نا ٹھپی مننگ نا حوال ئس ولے داسہ زوال آتے پک کننگانے‘ شاہد آتا رد اٹ واقعہ نا ہند آ مسہ لاش تموک خننگانے۔ پولیس نا رد اٹ جلہوگیر سادہ ءُ پچ بیناسس و اوڑتون کیہی وڑ انا سلہہ و ازباب ئس۔ پولیس نا رد اٹ ٹھپی تے پنچ سال انا چناس ہم اوار ءِ‘ شکبر جلہوگیر نا گاڈی ءِ درست کننگانے‘ کمامدار آتا رد اٹ شاپنگ مال اٹ سم کاری نا توار ءِ بننگ تون خڑک آ ساڑی پولیس کارندہ مال اٹ بس و جلہوگیر ءِ سم اٹ خلک‘ ولے جلہو نا سوب ءِ پاش کننگ تنے‘ بنائی وڑ اٹ پاننگاسس کہ جلہوگیر نا پین سنگت اس ہم ارے ہرادے پٹنگ انگ ءِ ولے اوکان گڈ پک کننگا کن جلہوگیر تنیا ئس۔
(آن لائن)