سعودی عرب ءِ ایران نا دشمن گوندنگ ءِ سگپنہ، ایرانی صدر
Get real time updates directly on you device, subscribe now.
تہران : ایرانی صدر ابراہیم رئیسی پارینے کہ سعودی عرب ءِ ایران نا دشمن یا ایران ءِ سعودی عرب نا دشمن گوندنگ ءِ سگپنہ‘ درملکی نیوز ایجنسی ءِ تروک اسہ انٹرویو سے ٹی ایرانی صدر ابراہیم رئیسی پارے کہ ایران و سعودی عرب اِرا بھلو ملک ءُ ہرافتا تعلقداری تا بحال مننگ آن ڈیہہ اٹ بھلو اہم ءُ بدلی بریک۔ شام انا صدر بشار الاسد امریکی سیوت و اسرائیل نا برخلاف پبی مون تسنے‘ او پارے کہ امریکہ و اسرائیل ایران ءِ فوبیا جوڑ کرسا ڈیہہ انا ملک آتے خلیفنگ و دھڑکو تننگ نا سازش بے پردہ مسنے‘ امریکیک داعش وایلو دہشت گرد پڑک آتے جوڑ کننگ ءِ امنا کرینو۔ سپریم لیڈر آیت اللّٰہ علی خامنہ ای بیرہ امریکہ و اسرائیل ءِ دشمن گوندانے۔ سعودی عرب ءِ ایران نا دشمن یا ایران ءِ سعودی عرب نا دشمن گوندنگ ءِ سگپنہ۔ ایران تدوک آ دیہی تیان ہم شام اتون سلوک ئس و آخبت اٹ ہم اوڑتون سلوک مریک۔ ایرانی صدر پارے کہ شام انا صدر بشارالاسد امریکی سیوت و اسرائیل تون پبی وڑاٹ مون تسنے۔
(آن لائن)