بلوچستان اٹی ڈپٹی کمشنر آتا کمک اٹ مفت راشن بشخنگ نا چرجوئی برجا

کوئٹہ (اے پی پی) حکومت بلوچستان نا کنڈآن صوبہ نا غٹ ضلع غاتا ڈپٹی کمشنر آتے کوروناوائرس لاک ڈاو ¿ن نا سوب آن نیزگار، مسکین و بے روزگار مروک آ خاہوت آتے کن مفت راشن نا بشخنگ کن ودکی فنڈزجاری کننگانے۔ ڈپٹی کمشنر آتا کمک اٹ مفت راشن بشخنگ نا چرجوئی برجائس، ضلع کوئٹہ نا 1400خاہوت ، جعفر آباد نا 400، ڈیرہ بگٹی 209، نوشکے 39کوہلو 50، لورالائی 300، ڑوب300، قلعہ سیف اللہ 200شیرانی100، دکی 100، موسیٰ خیل 100، بارکھان200، قلات 100، خاران 119، نصیر آباد20، کیچ500، گوادر250و آواران نا 150خاہوت آتے ٹی ضلعی حکومت مفت راشن بشخا، دا ودکی فنڈز آتا مسخت صوبہ نا مر مر انگا علاقہ غاتے ٹی ہمو مخلوق ءِ کنوئی آ گڑاتا فراوانی ءِ پک کننگ ہرا لاک ڈاو ¿ن نا سوب آن تینا اُراتیٹی ءُ۔ صوبائی حکومت دا عزم انا درشانی ءِ کرینے کہ او تینا کچ اٹنگا وسیلہ غاتیان پد ہم صوبہ نا نیزگار نادارمخلوق نا مشکل نا داساہت اٹ ممکنہ حداسکان کمک فراوان کیک۔ تانکہ ننا دا نیزگار بے روزگار مخلوق آ فاقہ غاتا نوبت بننگ کپ، داکان بیدس صوبائی حکومت نا کنڈآن دوشنبے نادے آ صوبہ نا چندی ضلع غاتے ٹی لاک ڈاو ¿ن نا سوب آن نیزگار نادار و بے روزگار مخلوق اٹ مشکل نا داساہت اٹ ہراڑے سرکاری ادارہ غاک صوبہ نا نیزگاربے روزگار مروک آ مخلوق ءِ مفت راشن تننگ ءُ ہموڑےغیر سرکاری تنظیم آک ننا قومی و صوبائی اسمبلی نا باسک آتا کنڈآن صوبہ نا چندی علاقہ غاتے ٹی مفت راشن بشخنگانے۔